Pukwana ya “Bonang Naga e Botse” e na le mebepe ya mafelo a ka Beibeleng, le gona e ka go thuša go kwešiša Beibele gakaone. Beibele e bolela gantši ka mafelo, ditoropo le dinaga. Go diriša mebepe ya ka pukwaneng ye go tlo dira gore o thabele go bala Beibele. Pukwana ya “Bonang Naga e Botse” e tlo go thuša go kwešiša gore mafelo ao go bolelwago ka ona ka Beibeleng a be a le bjang ka nako yeo le gore gona bjale re ka a hwetša kae. E tlo go thuša le go kwešiša gore tikologo ya mafelo a itšego e amana bjang le ditiragalo tša ka Beibeleng.

Pukwana ya “Bonang Naga e Botse” e tletše ka mebepe e mebotse le ditšhate tša mafelo ao go bolelwago ka ona ka Beibeleng. E na le diswantšho tše di thadilwego le tše di dirilwego ka khomphutha, le dilo tše dingwe tše dintši tšeo di tla dirago gore o thabele go ithuta Beibele.

Pukwana ye e tla go thuša go

• bona maeto ao a tšerwego ke Aborahama, Isaka le Jakobo

• bona tsela yeo Baisiraele ba e sepetšego ge ba be ba tloga Egipita ba eya Nageng ya Kholofetšo

• bapetša lefelo leo Baisiraele ba bego ba dula go lona le moo manaba a bona a bego a dula gona

• bona mafelo ao Jesu a bego a eya go ona go ruta batho ka Modimo

• bona gore mebušo yeo e bego e na le matla yeo go bolelwago ka yona ka Beibeleng go swana le Babilona, Gerika le Roma, e be e laola mafelo afe

O ka hwetša mebepe ya mafelo a ka Beibeleng mahala go LAEPRARI YA INTHANETENG.