“Mathata a tša leratadima a aparetše batho le diphedi ka moka mafelong a fapafapanego. Madimo a matla ao a senyago ka baka la go fetoga ga leratadima, a senya magae le ditsela tša batho tša go iphediša lefaseng ka moka. Ka baka la go ruthela ga lewatle ka tsela e feteletšego, diphedi tša ka lewatleng di kotsing e kgolo kudu [ya gore di se sa ba gona].”—Inger Andersen, mongwaledi-pharephare wa ka tlase wa Ditšhaba tše Kopanego yo e bilego e le molaodi yo mogolo wa UN Environment Programme, 25 July 2023.

 Na mebušo e ka kgona go kopana gore e rarolle mathata a a lefase? Na e ka kgona go a fediša ka mo go feletšego?

 Beibele e bolela ka mmušo wo o ka kgonago go rarolla mathata ka moka ao a bago gona ka baka la go fetofetoga ga leratadima, e bile o tlo dira bjalo. E re “Modimo wa legodimo o tla hloma mmušo,” mmušo wo o tlago go buša le go rarolla mathata a lefase ka moka. (Daniele 2:44) Ka tlase ga mmušo wo, batho ba ‘ka se gobatše goba ba senya’ lefase.—Jesaya 11:9.