NA BO HLAMILWE?
Bogolo bja Bobolokelo bja DNA
BADIRIŠI ba dikhomphutha ba tšweletša tsebišo e ntši kudu dikhomphutheng yeo e swanetšego go bolokwa bakeng sa gore e hwetšagale ge e nyakega. Borathutamahlale ba holofela gore ba tla fetoša mekgwa ya gona bjale ya bobolokelo bja dikhomphutheng ka go ekiša tshepedišo ya maemo a godimo kudu ya go boloka tsebišo yeo e hwetšwago tlholong, e lego DNA (deoxyribonucleic acid).
Ela hloko: DNA, yeo e hwetšwago diseleng, e rwele dikarolwana tše dibilione tša tsebišo ya thutaphedi. Nick Goldman wa Mokgatlo wa European Bioinformatics, o re: “Re kgona go e ntšha marapong a diphoofolo tše dikgolo tša boya . . . gomme re kgona go e bala le go e kwešiša. Gape ke e nyenyane ka mo go makatšago, e bofagane e bile ga e nyake mohlagase bakeng sa go boloka tsebišo, ka gona go bonolo go e romela go gongwe le go e boloka.” Na DNA e ka boloka tsebišo yeo e dirilwego ke batho? Banyakišiši ba re go bjalo.
Borathutamahlale ba itiretše DNA yeo e nago le mongwalo o fetošitšwego gotee le diswantšho le difaele tša go theetšwa, go fo swana le kamoo mekero ya ditaba ya go diriša dikhomphutha e bolokago tsebišo ka gona. Ka morago banyakišiši ba ile ba kgona go fetoša tsebišo yeo e bolokilwego ka go nepagala mo go feletšego. Borathutamahlale ba dumela gore ge nako e dutše e eya, ka go diriša mokgwa wo, grama e tee ya DNA ya maitirelo e ka kgona go boloka tsebišo ya di-CD tše 3 000 000 le gore tsebišo ye e ka bolokwa lebaka la nywaga e makgolo ge e ba e se e dikete. Go na le kgonagalo ya gore tshepedišo ye e ka boloka tsebišo ya lefase ka moka yeo e bolokilwego dikhomphutheng. Ka baka leo DNA e bitšwa “bobolokelo bja tsebišo bja maemo a godimo kudu bja khomphutheng (hard drive).”
O nagana eng? Na bogolo bja bobolokelo bja DNA bo bile gona ka tlhagelelo? Goba na bo hlamilwe?
You May Also Like
PHAFOGA!
Sebopego sa Dikgapetla tša ka Lewatleng
Sebopego le kagego tša dikgapetla tša ka lewatleng di šireletša dikgopa tšeo di dulago ka gare ga tšona.
PHAFOGA!
Mmala o Motalalerata wa Thokolo
Go na le thokolo e nago le mmala o tseneletšego o motalalerata wo o sa kago wa bonwa seenyweng. Lega go le bjalo, thokolo ye ga e na seela se setalalerata. Bjale mmala wa thokolo ye o motalalerata o tšwa kae?
PHAFOGA!
Boya bja Otter ya ka Lewatleng
Diamuši tše dingwe tšeo di phelago ka meetseng ao a tonyago di thušwa ke makhura a mantši ka tlase ga matlalo a tšona gore di dule di ruthetše. Otter ya ka lewatleng e diriša mokgwa o fapanego gore e dule e ruthetše.
PHAFOGA!
Mokgwa wa Nose wa go Kotama
Ke eng seo se dirago gore mokgwa wo e be wo o ka latelwago ge go hlangwa motšhene wa go laola diroboto tša go fofa?
PHAFOGA!
Sešireletšaphišo sa Tšhošwane ya Sahara ya Mmala wa Silifera
Khunkhwane ye ke e nngwe ya diphoofotšwana tšeo di tsebjago tša nageng tšeo di kgonago go kgotlelela phišo. Ke eng seo se dirago gore e kgone go kgotlelela phišo yeo e tseneletšego?
PHAFOGA!
Ditlhale tša Kgopa ya ka Lewatleng
Dikgopa tša ka lewatleng di itshwareletša ka ditlhale. Go kwešiša kamoo ditlhale di šomago ka gona go ka re thuša go hlama mekgwa e mekaone ya go kgomaretša dilo meagong goba mešifa marapong.
