Mogwera ke motho yo o “tlwaelanego kudu le yena, o mo ratago e bile o mo hlomphago.” Ka mohlala, ka morago ga gore Dafida a bolaye Goliata, Jonathane le Dafida e ile ya ba bagwera ba bagolo kudu. (1Sa 18:1) Yo mongwe le yo mongwe o be a na le dika tše dibotse tšeo di dirilego gore e be bagwera. Gore batho e be bagwera ba bagolo ba swanetše go tsebana gabotse. Go tlwaelana le motho yo mongwe go ka tšea nako le maiteko. Eupša go bonolo kudu gore batho ba gwerane go social network. Ba kgona go uta seo ba lego sona ka gobane ba laola tsela yeo batho ba swanetšego go ba tseba ka yona. Ka gona go bohlokwa gore o kgethe gabotse batho bao o nyakago ba gwerana le wena. O se ke wa tšhaba go gana ge motho yo o sa mo tsebego a kgopela go ba mogwera wa gago, ka gore o tšhaba go mo kweša bohloko. Ka ge social network e ka ba kotsi, ba bangwe ba kgethile go se e diriše. Eupša ge e ba o kgetha go diriša social network, o swanetše go dula o nagana ka’ng?

BOGELANG BIDIO YEO E REGO DIRIŠA SOCIAL NETWORK GABOTSE, KE MOKA LE ARABENG DIPOTŠIŠO TŠE DI LATELAGO:

• O swanetše go nagana ka’ng pele o ka ngwala goba go bea dinepe go social network?

• Ke ka baka la’ng o swanetše go kgetha bagwera ba social network gabotse?

• Ke ka baka la’ng o swanetše go ipeela nako yeo o e fetšago o diriša social network?—Ef 5:15, 16