Teekateeka aha bakuhurikiize. Tebeekanisa omutima gwawe orikufayo kwijuka oburemeezi obu barikurabamu. Teekateeka aha ku barikwehurira.

Toorana ebigambo n’obwegyendesereza. Gira ekigyendererwa ky’okuruhuura abakuhurikiize, kubagumya, n’okubagaruramu amaani. Yetantare ebigambo ebirikubaasa kubagwisa kubi. Kandi otagamba kubi aha bantu abatarikuheereza Yehova n’ebi barikwikiriza.

Yoreka ngu noofayo. Orikukoresa ebicweka by’omubiri omu muringo oguhikire n’eiraka ry’embabazi, yoreka abakuhurikiize ngu buzima noobafaho. Kandi eki kyorekye aha ndeebeka yaawe y’aha maisho orikumwenya kyaba nikyetengyesa.