ONLIING! Abril 2014 | Say Niyamot a Katuaan Nipaakar ed Impamalsa
Wala ray baleg a pandumaan na ibabaga na Biblia ed ibabaga na totoo nipaakar ed impamalsa.
Pangobserba ed Nagagawad Mundo
Kaibad saray topic: kanepegay ugaw diad sub-Sahara Africa, say takot ed cyberbullying diad Italy, tan say idarakel na kalangweran ya agmangaawat na promosyon ed trabaho diad Japan.
MANUNAN ARTIKULO
Say Niyamot a Katuaan Nipaakar ed Impamalsa
Kasin mitunosan so salaysay na Biblia nipaakar ed impamalsa ed ibabaga na science?
INTERBYU
Impaliwawa na Biotechnologist so Pananisia To
Lapud impanaral nen Dr. Hans Kristian Kotlar nipaakar ed immune system, naisip to ray tepet nipaakar ed lapuan na bilay. Panon ya naebatan iray tepet to diad impanaral toy Biblia?
TULONG PARAD PAMILYA
No Panon ya Nalabanan so Desdes na Kalimog
Lapud desdes na kalimog, nayarin makagaway mauges iray maong ya totoo. Antoy nepeg mon naamtaan nipaakar ed satan, tan panon kan man-react ed satan?
PAWILEY APALABAS
Constantine
Amtaen no panon a say impideneng nen Constantine ed politika tan relihyon so angimpluensyad sisisiaen na dakel ya simbaan to.
WALA KASI NANDESINYO?
Say Sekreto na Genggeng Abung
Say linat na genggeng abung et nayarin mapekepeket balet mainomay met ya naaknit no nakaukolan. Aralen no panon tan akin.
Arum nin Walad Online
Antoy Dapat Kon Naamtaan Tungkol ed Sexting?
Kasin napre-pressure kan man-sexting? Anto ray makapuy a pansumpalan na pan-sexting? Kasin anggapoy uges na satan?
Anto so Tuan Kaaro?
Mainomay ya naalmo iray peke ya kaaro, balet panon kan makalmo na tuan kaaro?
