NAPNOY PROBLEMA SO MUNDO
2 | Protektaan Moy Pangaalaan Yo na Pambilay
NO AKIN YA IMPORTANTE
Dakdakel so naiirapan ta melmelag so nanaalmo da—sankaanap, sankaluto. Makapaermen ta lalon inmirap so pananap na pambilay lapud saray problema ed mundo. Akin ey?
-
No walay krisis ed sakey ya lugar, ombili sasaliwen—singa say naakan tan materyales parad pampaalagey o pampaayos na abung.
-
No walay krisis, ondakel so naandian na trabaho odino onmelag so anap.
-
No walay kalamidad, nayarin naderal so kaabungan, arum ni ran nipundar, odino nalugi iray negosyo, kanian dakel so manirap.
No Antoy Dapat Mon Naamtaan
-
Makatulong so maong ya panagbadyet pian mas nasarag moy krisis.
-
Nayarin ombagsak so kantidad na kuarta, tipon, kaykayarian, tan nipundar ta aliwa iratan ya permanente.
-
Wala ray agnasaliw na kuarta, singa say liket tan pankakasakey na pamilya.
No Antoy Nagawaan Mo
Ibabaga na Biblia: “No walay naakan tan kawes tayo, mankontento tayo la ed saratan.” —1 Timoteo 6:8.
No kontento tayo, maliket tayo la ed saray walad sikatayo tan agtayo aanapen iray anggapo. Kontento tayo la ed saray kailangan tayo, aliwan saray labay tayo. Importante iya lalo la no inmirap so bilay tayo.
Pian magmaliw kan kontento, ompan kailangan mon aralen ya pasimplien so panagbilay mo tan bawasan so panaggastos. No saliw ka lan saliw anta agpasok ed badyet, lalo kan naproblema.
Ompan Nagustoan Mo Met
ONLIING!
Napaaligwas so Bilay—Panag-budget na Kuarta
Panon ya makatulong iray prinsipyo na Biblia pian nabawasan so problema ed kuarta?
ONLIING!
Taloran Bengatla ya Agnasaliw na Kuarta
Lapud kuarta et nasaliw tayo ray pankaukolan tayo, balet say tuan liket et manlalapud saray bengatlan agnasaliw na kuarta.
