Kabkabat iray Tasi nen Jehova ed panagpulong da. Balet, kasin antam ya diad interon mundo et tutulongan mi met iray totoo ya manaral na Biblia?

Nen 2014, masulok ya 8,000,000 ya Tasi diad 240 ya bansa so manbabangat ed ngalngali 9,500,000 ya panagaral na Biblia kada bulan. * Talagan dakdakel so totoon manaaral na Biblia ed interon mundo!

Pian nagawaan iyan panagbangat, kada taon et manpa-publish iray Tasi nen Jehova na ngalngali 1.5 bilyon ya Biblia, libro, magasin, tan arum nin uusaren ed panagaral na Biblia​—ed manga 700 ya lenguahe! Lapud saya et makapanpili iray totoo na labay dan lenguahe no manaral iray Biblia.

Panon ya gagawaen so panagaral na Biblia?

Manpipili kami nanduruman topic ed Biblia, insan mi aralen iray bersikulo ed Biblia ya mikonektaan ed saratan ya topic. Singa bilang, eebatan na Biblia iray tepet a singa say: Siopa so Dios? Antoy ugali to? Wala kasi ngaran to? Iner so kulaan to? Sarag tayo kasin nakaaro so Dios? Balet iner ed Biblia so ebat?

Pian natulongan iray totoo, say libron Anto so Peteg ya Ibabangat na Biblia? * so mabetbet min uusaren. Ginawa yan libro pian natalosan na totoo iray manunan bangat na Biblia. Kaibad ‘tan so nipaakar ed Dios, si Jesus, say paniirap natan, ibilay na inaatey, panagpikasi, tan dakel nin topic.

 Iner so panaralan, tan kapigan?

Sikay manpili na agew tan oras, tan no iner so panaralan.

Panon kabayag so panagaral?

Man-adjust kami depende ed oras ya labay mo. Dakel so mani-eskedyul na sakey oras o mas andukey ni ya sinimba pian manaral na Biblia. Say arum et manaaral na 10 anggad 15 minuto labat.

Sampigay bayar no manaral?

Libre so panaral tan saray usaren ed panaral. Uunoren mi imbaga nen Jesus ed saray disipulo to: “Inawat yon anggapoy bayar, iter yon anggapoy bayar.”​—Mateo 10:8.

Anggad kapigan so panaral?

Say karukey na panaral et depende ed sika. Walay 19 ya leksion ed libron Anto so Peteg ya Ibabangat na Biblia? tan sarag mon aralen so anggan dinan odino amin ya leksion.

Kaukolan ak kasin magmaliw ya Tasi nen Jehova?

Andi. Rerespetoen mi desisyon na kada too ya manpili na panisiaan da. Balet saramay naaralan da ray manunan bangat na Biblia et makapandesisyon base ed naaralan da.

 Iner ni pakaromogan koy kaaruman ya impormasyon?

Say Web site ya jw.org et mangiiter na dugan impormasyon ed pananisia tan gagawaen na Saray Tasi nen Jehova.

Panon ak ya man-request no labay koy manaral na Biblia?

• Man-request online diad www.dan124.com/pag.

•  

• Anapen iray Tasi nen Jehova diad lugar yo.