Kiko lo bo kontestá?

• Sí

• Nò

• Kisas

Loke Beibel ta bisa

Durante e reinado di Hesukristu, lo tin “pas te ora ku no tin luna mas,” esta, pa semper.—Salmo 72:7.

Kiko mas nos por siña for di Beibel?

• Hende malbado lo ser kitá for di riba tera, i bon hende lo “deleitá nan mes den pas abundante.”—Salmo 37:10, 11.

• Dios lo kaba ku tur guera.—Salmo 46:8, 9.

Algun hende ta kere . . . ku nos no por haña berdadero pas mental tanten ku e mundu ta yen di sufrimentu i inhustisia. Kiko abo ta pensa?

Loke Beibel ta bisa

For di awor, hende ku ta amigu di Dios por haña “e pas di Dios ku ta surpasá tur komprondementu.”—Filipensenan 4:6, 7.

Kiko mas nos por siña for di Beibel?

• Dios ta primintí nos ku lo e kita tur sufrimentu i inhustisia i ku lo e hasi “tur kos nobo.”—Revelashon 21:4, 5.

• Nos por haña pas mental ora nos satisfasé nos “nesesidat spiritual.”—Mateo 5:3.