Pregunta Ku Beibel Ta Kontestá
Dikon tin profesia den Beibel?
Dikon Beibel ta deskribí susesonan ku lo tuma lugá den nos tempu?—Lukas 21:10, 11.
Beibel tin hopi profesia ku ta duna detayenan spesífiko. Di otro banda, niun hende no por pronostiká eksaktamente loke lo tuma lugá den futuro. Pues, e echo ku profesianan di Beibel a kumpli ta duna nos prueba konvinsente ku Beibel ta e Palabra di Dios.—Lesa Hosue 23:14; 2 Pedro 1:20, 21.
Profesia di Beibel ku a kumpli kaba ta duna nos bon motibu pa pone fe den Dios. (Hebreonan 11:1) Ademas, nan ta duna nos konfiansa ku e promesanan di Dios pa un mihó futuro lo kumpli. Pues, profesianan di Beibel ta duna nos un speransa sigur.—Lesa Salmo 37:29; Romanonan 15:4.
Kon profesia di Beibel por yuda nos?
Mediante algun profesia di Beibel, Dios ta spièrta su sirbidónan pa nan tuma akshon. Por ehèmpel, ora e kristiannan di promé siglo a mira ku sierto profesianan a kumpli, nan a hui for di Herúsalèm. Mas despues, ora e stat a ser destruí pa motibu ku mayoria di hende a rechasá Hesus, e kristiannan sí tabata safe.—Lesa Lukas 21:20-22.
Awe, e profesianan ku a kumpli kaba ta duna nos konfiansa ku pronto e Reino di Dios lo pone fin na tur e reinonan, òf gobièrnunan, di hende. (Daniel 2:44; Lukas 21:31) Pues, awor ta urgente pa kada hende tuma akshon pa haña aprobashon di Hesukristu, Dios su Rei nombrá.—Lesa Lukas 21:34-36.
Otro Artíkulo Interesante
PREGUNTA KU BEIBEL TA KONTESTÁ
Kiko Ta un Profesia?
Tur profesia divino inspirá ta pronostiká futuro? No semper.
