Na aña 2023, e lucha kontra soledat a bira un prioridat rònt mundu. Hopi hende ta sufri debí na soledat. Ta posibel pa gana e bataya kontra soledat?

•   ‘Soledat i isolashon ta un menasa grandi. Nan por afektá nos salú i bienestar.’—Dr. Vivek Murthy, hefe di departamento di salubridat públiko na Merka. Dòkter Murthy a sigui bisa: ‘Nos tur por logra vense soledat.’ Kon asina? “Tur dia, nos tin ku dal stap chikitu pa fortalesé nos amistatnan.” a

 Isolashon no ta e úniko kousa di soledat. Tin hende ta lucha ku soledat maske tin hopi hende rònt di nan. Sea kual sea e motibu pakiko un hende ta lucha ku soledat, Beibel por yuda nos. Beibel tin konseho práktiko ku por yuda nos den nos lucha kontra soledat. Nos mester sera bon amistat i fortalesé nos amistatnan.

 Komuniká bon. No djis papia di bo sintimentunan so. Sea un bon skuchadó tambe. Mas interes bo mustra den otro hende, mas fuerte bo amistat ku nan lo bira.

•   Prinsipio di Beibel: “No buska boso mes interes so, ma tambe interes di otro hende.”—Filipensenan 2:4.

 Sera amistat ku mas hende. Sea dispuesto pa sera amistat ku hende mas grandi ku bo, ku hende mas yòn ku bo i ku hende di otro kultura òf nashonalidat.

•   Prinsipio di Beibel: “Habri boso kurason hanchu.”—2 Korintionan 6:13.

 Pa mas informashon tokante kon bo por sera amistat fuerte, lesa e artíkulo: “Kon pa Satisfasé Nos Hamber pa Amistat.”