A David a mlo mesisiich er a Goliath e le ngmle ultuil er a Jehovah. (1Sa 17:45) Jehovah soal lousbech er a klisichel el kirir a remesiungel. (2Kr 16:9) Ngmekera bo dultuil er a ngelsuil a Jehovah el diak el duch me a experience er kid? Aikakid a edei el rolel:

• Mblechoel el meluluuch. Lak di moluluuch lolengit a klausubes el kirel a cheleuid el omriruul e bai mdirrek el meluluuch el lolengit er ngii me lesisichau el mo mesisiich a omengesuseu. (Mt 6:12, 13) Moluluuch lolengit a klengeltengat er a Jehovah el kirel omelilt el bla mruul engdi mdirrek lolengit a ulekrael me a llomeserreng er ngii er a uchei er a omoruul omelilt.​—Jak 1:5

• Le ngar ngii a schedule er kau el menguiu e mesuub er a Biblia. Monguiu er a Biblia er a bek el sils. (Psa 1:2) Mongoit a taem el melatk a kerebai er a rechad er a Biblia e moltaut a tekoi el msuub er tir. (Jak 1:23-25) Mongetmokl er kau el mo oldingel e lak di multuil a klemedengei er kau. Mngai a mui el klungiolem er a miting loeak sel mketmeklau el kirel

• Moltirakl a ulekrael er a cheldebechelel a Jehovah. Bo modengei aike el kot el beches el ulekrael er a cheldebechel e mereched el mo oltirakl. (Ule 9:17) Morrenges a omesmechokl me a ulekrael er a remechuodel.​—Heb 13:17

MOMES ER A VIDEO EL NO REASON TO FEAR PERSECUTION, E MONGER AIKA EL KER:

• Ngera ble lemedakt el kirel a rudam me a rudos?

• Ngera ngilsuterir loutekangel a dektir?