Bat dän 23. Mei 2022 sent no de World Health Organization (WHO) no 6,27 Millionen Menschen aun de COVID-19-Krankheit jestorwen. Oba aun dän 5. Mei 2022 schreef de WHO en eene Norecht, daut daut mau rajcht noch väl mea sennen kunnen. Doa säd daut, daut tweschen de Joaren 2020 un 2021 “de gaunze Zol von dee, waut aun de COVID-19-Krankheit storwen, ooda aun de Foljen von dee Krankheit, . . . ojjefäa 14,9 Millionen wia”. Sajcht de Schreft irjentwaut äwa soone schlemme Krankheiten?

•    Jesus säd verut, daut daut en de Tiet, waut “de latste Doag” jenant woat, “Pestilenz” jäwen wudd ooda wiet vespreede Krankheiten (2. Timotäus 3:1, PB; Lukas 21:11, PB).

 Jesus siene Profezeiunk erfelt sikj vondoag dän Dach. Toom mea doaräwa lieren, läs dän Artikjel “Waut es daut Tieekjen von ‘de latste Doag’ ooda daut Enj von de Welt?”

•   “Gott, dee onen Enj treesten deit . . . treest ons en aul onse Trubbels” (2. Korinta 1:3-4, PB).

 Väle, waut haben must wäm begrowen, dän dee sea väl jeräakjent haben, haben Troost jefungen en daut, waut de Schreft sajcht. Lia mea en de Artikjels “Met Trua foadich woaren – Waut du nu doonen kaust” un “De baste Help fa dee, waut truaren”.

•   “Lot dien Rikj komen. Lot dien Wellen oppe Ieed jrod soo jedonen woaren aus em Himmel” (Matäus 6:10, PB).

 Boolt woat Gott sien Rikj doano seenen, daut “kjeena . . . woat sajen: ‘Ekj sie nich jesunt’” (Jesaja 33:24, PB; Markus 1:14-15). Kjikj daut Video Waut es Gott sien Kjennichrikj? toom mea äwa dise himlische Rejierunk lieren un waut dee woat doonen.

 Wie loden die en, mea to lieren äwa daut, waut de Schreft sajcht. De gooda Rot un de scheene Hopninj ut de Schreft, woat die un diene Famielje secha väl halpen.