Emma mea Menschen äware gaunze Welt feelen sikj eensom. En 2023 worden Doktasch sikj eenich, daut et schlajcht fa de Jesuntheit es un daut se doamet waut doonen motten. Oba jeft daut werkjlich eene Leesunk?

•   Dokta Vivek Murthy, de Väaschta von de Jesuntheits-Sachen enne Stäts, sajcht: “Wan wie ons eensom feelen un ons von aundre Menschen oppoat hoolen, kaun daut onse Jesuntheit sea schoden un wie woaren emma mootloosa woaren”. Oba hee sajcht uk noch: “Wie kjennen doa waut jäajen doonen”. Waut krakjt? “Wie kjennen jieda Dach een kjlienet Beskje doonen toom met aundre Menschen jratre Frind woaren.” a

 Sikj eensom feelen kjemt nich bloos von auleen sennen. Eenje feelen sikj veleicht uk dan eensom, wan dee mank eene Häad Menschen sent. Krakjt endoont wuarom wie ons eensom feelen, de Schreft kaun ons halpen. Dee jeft ons gooden Rot, woo wie kjennen met aundre jratre Frind woaren un doaderch woa wie bie sacht von de Eensomkjeit looskomen.

 Met aundre fein vetalen. Dauts nich, daut wie bloos äwa daut räden, waut ons intressieet, oba uk, daut wie de aundre goot toohorchen. Je mea du aundre wiest, daut du om äant todoonen best, je jratre Frind woascht du dan met dee woaren.

•   Waut de Schreft sajcht: “Jie sellen nich bloos no daut kjikjen, waut junt selfst intressieet, oba uk no daut, waut dän näakjsten intressieet” (Filippa 2:4, PB).

 Veschiedne Frind haben. Proow uk, met soone Frind to woaren, waut ella ooda jinja sent aus du, ooda waut aundasch oppjewossen sent ooda von een aundret Launt komen.

•   Waut de Schreft sajcht: “Moakt june Hoaten wiet op” (2. Korinta 6:13, PB).

 Wan du west mea doaräwa weeten, woo du kaust goode Frind met wäm woaren, läs dän Artikjel “Den Hunger nach Freundschaft stillen”.