صحت دے عالمی اِدارے دی رپورٹ دے مطابق 23 مئی 2022 تک کورونا دی وجہ توں 62 لکھ 70 ہزار لوک فوت ہو چُکے نیں۔ پر 5 مئی 2022 دی اِک خبر دے مطابق صحت دے عالمی اِدارے نے کہیا اے کہ مرن والیاں دی تعداد ایس توں وی کِتے زیادہ اے۔ ایس خبر چ دَسیا گیا اے کہ 2020 تے 2021 دے دوران ”‏کورونا دی وبا دی وجہ توں ہون والیاں موتاں دی تعداد تقریباً 1 کروڑ 49 لکھ اے۔“‏ بائبل ایہو جہیاں دل ہلا دین والیاں مصیبتاں چ کیہہ تسلی دیندی اے؟‏

•    یسوع نے پیشین‌گوئی کیتی سی کہ آخری زمانے چ وباواں پھیلن گیاں۔—‏لُوقا 21:‏11؛‏ 2-‏تیمُتھیُس 3:‏1‏۔‏

 یسوع دی ایہہ پیشین‌گوئی اَج پوری ہو رہی اے۔ ایہدے بارے ہور جانن لئی ایس مضمون نُوں پڑھو:‏ ‏”‏آخری زمانے یاں آخری وقت دی نشانی کیہہ اے؟‏‏“‏

•    خدا عظیم رحمتاں دا باپ اے۔ جدوں اَسی طرحاں طرحاں دِیاں مصیبتاں چوں لنگھنے آں تے اوہ سانوں تسلی دیندا اے۔—‏2-‏کُرنتھیوں 1:‏3، 4‏۔‏

 دُنیا چ کوئی ایہو جیہا انسان نئیں جدا کوئی عزیز فوت نہ ہویا ہووے۔ پر بوہت سارے لوکاں نُوں بائبل توں ایس غم نُوں برداشت کرن دی طاقت مِلی اے۔ ایس بارے ہور جانن لئی اُردو زبان چ ایہہ مضمون پڑھو:‏ ‏”‏غم پر قابو پانے کے طریقے—‏آپ ابھی کیا کر سکتے ہیں؟‏‏“‏ تے ‏”‏سوگواروں کو سب سے زیادہ تسلی کہاں سے ملتی ہے؟‏‏“‏

•    تیری بادشاہی آئے۔ تیری مرضی جیویں اسمان تے پوری ہو رہی اے اونویں ای زمین تے وی ہووے۔—‏متی 6:‏10‏۔‏

 خدا دی بادشاہی بوہت چھیتی آن والی اے۔ ایہہ ہر طرحاں دِیاں بیماریاں تے وباواں نُوں ختم کر دے گی۔ (‏مرقس 1:‏14، 15؛‏ یسعیاہ 33:‏24‏)‏ ایس بادشاہی بارے ہور جانن لئی ویڈیو ‏”‏خدا دی بادشاہی کیہہ اے؟‏‏“‏ نُوں ویکھو۔ ایہدے چوں تُسی سکھو گے کہ ایہہ بادشاہی کیہہ کجھ کرے گی۔‏

 اَسی توانوں دعوت دینے آں کہ تُسی بائبل نُوں باقاعدگی نال پڑھو کیونکہ ایہدے چ دِتے گئے مشوریاں تے وعدیاں توں توانوں تے تواڈے خاندان نُوں بڑا فائدہ ہوئے گا۔‏