Diosqa munan Jesuspa sutinpipuni Paymanta mañakunanchejta. Ajinamanta mañakojtillanchej Diosqa uyariwasunchej. Jesús nerqa: “Noqa ñan kani, cheqa kajtaj, kawsaytaj; mana pipis Dios Tataman chayayta atinchu, mana noqanejta rispaqa”, nispa (Juan 14:6). Chantá apostolesninman nillarqataj: “Cheqatapuni niykichej: Tukuy imata sutiypi mañakojtiykichejqa, Dios Tata qosonqachej”, nispa (Juan 16:23).

Jesuspa sutinpi mañakunanchej tiyan

•   Ajinamanta Jesusta, Jehová Diostapis jatunpaj qhawasqanchejta rikuchisun (Filipenses 2:9-11).

•   Jesuspa noqanchejrayku wañusqanmanta agradecekusqanchejta rikuchisun. Imaraykuchus paynejllata salvacionta tariyta atisun (Mateo 20:28; Hechos 4:12).

•   Ajinamanta rikuchisun Diospa ñaupaqenpi Jesuslla noqanchejpaj mañapuyta atisqanta (Hebreos 7:25).

•   Ajinamanta rikuchillasuntaj Jesusta, ‘Kuraj sacerdotenchejta jinaʼ qhawasqanchejta. Paylla Dioswan allinpi kanapaj yanapawanchej (Hebreos 4:14-16).