Inger Andersenqa subsecretaria general de las Naciones Unidas y directora ejecutiva del Programa de las Naciones Unidas para el Medio Ambiente nisqamanta. Payqa 25 de julio de 2023 fechapi nerqa: “Tiempo mayta cambiasqanrayku llakiylla kashan runaspaj, llajtapi kajkunapaj, imaymana animalitospaj, plantaspajpis. Tiempo kaymanta jinalla cambiasqanrayku aswan sinchʼi muyoj wayras rikhurimushan. Chaynejtataj ashkha runas wasisninkuta, trabajosninkuta pierdeshanku. Calor aswan sinchʼita yapakusqanrayku yakupi kausakoj animalitospajpis may llakiy kashan, wakin clase animalesqa chinkapunankupaj jinaña kashanku”, nispa.

 Gobiernos ujchaykukuspa, ¿imatapis ruwayta atinkumanchu tiempo mana cambiananpaj? ¿Paykuna chay llakiykunata chinkasqata chinkachiyta atinkumanchu?

 Bibliaqa nin uj gobierno tukuy chay llakiykunata chinkachiyta atisqanta, chinkachenqapunitaj. Biblia nin “cielopi kaj Diosqa uj gobiernota [sayarichinanta]” jallpʼantinmanta llakiykunata chinkachinanpaj (Daniel 2:44). Chay gobierno kamachishajtenqa “manaña pitapis imananqankuchu, nitaj pitapis ñakʼarichenqankuchu”, nillataj jallpʼatapis chʼichichanqankuchu (Isaías 11:9).