¡RICCHA RICCHALA CAYCÄNAPAJ!
2024 watacho, ¿ali cajcunatachuraj pasananpaj shuyarashwan? | ¿Ima nintaj Biblia?
Achca runacunami yarpapäcun 2024 wata más problemacuna cananpaj y mana alchacänanpaj cajtapis yarpapäcunmi. Pero shamoj watacunapäga ali cajcunata shuyaraycanchi. ¿Imapita parlaycanchi?
Biblia wilacushganga shacyächimanchimi
Biblia aunimanchi lapan nacachimashganchicunata Dios ushacächinanpaj y ichiclachona lapan runacunapaj cayta ruranga: “Paykunata shoqashpanmi weqinkunatapis pitsapanqa. Wanuypis, waqaypis, lakikuypis y nakaykunapis manami kanqanatsu” (Apocalipsis 21:4, TDW).
Bibliacho caycaj promesacunapita más yachacuyta munarga, cayta leiriy: “La esperanza real de un mañana mejor”.
Canan tiempucho imanotaj Biblia yanapäshunquiman
Biblia wilacushganta yachacurga yanapäshunqui cushishgala cawacunayquipaj y laquicuycarla mana caycänayquipaj (Romanos 15:13). Jinamanpis, capaz ima problemalapis caycan guellayraycu, gueshyaraycu, o pilapis nacaycächishunqui, chayno captenga Bibliacho caycan ali consejucuna yanapäshunayquipaj.
Ricäriy Biblia wilacushgancuna imano juc runata yanapashga pobre caycarpis cushishga y jaucala cawacunanpaj. Cay videuta ricay: Juan Pablo Zermeño: Jehová le dio propósito a mi vida.
Yachacuy imano Biblia yanapäshunquiman wanupacushga caycaptiqui, imapitapis culpayoj sienticuptiqui, laquishga y manchacuywan caycaptiquipis. Leiriy “¿Puedo encontrar consuelo en la Biblia?” nej yachachicuyta.
Ricäriy imano Bibliapita yachacur juc warmita yanapargan. Payga achca wata ejercitucho caycar mana ali geniuyoj y mana cuyapäcoj cargan. Cay videuta ricay: “Cambié las armas por la Biblia”.
Cay 2024 wata gampaj y familiayquipaj ali cananta munaptiquega, Bibliapita yachacushgayquimi yanapäshunqui. Chaypäga ali canman Bibliapita shumaj yachacurcunayquipaj, chayta rurarga musyanqui “ali kawapäkunaykitami” (Jeremías 29:11).