Ri Jehová kraj che konojel ri winaq kketaʼmaj ri qastzij chrij ri areʼ y ri uQʼatbʼal tzij, apastaneʼ ri kibʼantajik (1 Timoteo 2:3, 4). Rumal laʼ, ri testigos rech Jehová kekibʼan Biblias y nikʼaj chi wuj che kitoʼik e kʼi winaq xuqujeʼ kekitoʼ ri kkita taj. Ri utinamit ri Jehová uqʼaxem ri e qawuj pa kʼi taq videos pa más che 100 lenguajes de señas. a ¿Jas kbʼan che kibʼanik y kijachik waʼ taq videos riʼ? ¿Jas bʼanom rech más kʼax ta kibʼanik ri videos kimik?

 Pa ronojel ri uwach Ulew e kʼo equipos re traducción re ri jalajoj taq lenguajes de señas. Chkijujunal ri equipos qas kkinikʼoj na ri wuj are chiʼ kqʼaxex pa lenguaje de señas. Tekʼuriʼ kkichomaj jas kkibʼan che uqʼaxexik pa ri lenguaje de señas che kkikojo. Tekʼuriʼ kkibʼan grabar ri video. Kimik e kʼo 60 equipos che amaqʼel kekiqʼaxej ri e qawuj pa ri lenguaje de señas y nikʼaj chi 40 equipos xa kuriqa na kkibʼano.

 Ojer kanoq, nim pwaq ksachik are chiʼ kebʼan videos pa lenguaje de señas. Ojer ri cámaras y ri computadoras sibʼalaj paqal kajil chuwach kimik. Xuqujeʼ ri grabaciones pa jun ja re grabación kebʼan wi. Jujun taq mul oj kojyakow ri kʼolbʼal y jujun mul chik xaq xiw kqasukʼumaj. Rumal laʼ, rech kʼo ronojel ri kajwataj che ri equipo re traducción pa lenguaje de señas rajawaxik ksach más che 30.000 dólares. b

 Rech utz kbʼan che ukojik ri kuchuj, ri utinamit ri Jehová utzukum ri kubʼano rech más kʼax ta kbʼan che ubʼanik ri videos. Rumal laʼ ri chakubʼal che keqakojo kʼateʼ xel loq, paqal ta kajil y kʼax ta ukojik. Jun kʼutbʼal, rajawaxik ta chik keqakoj ri e ja ri kebʼan wi grabaciones. Chkijujunal ri equipos kekunik kkibʼan grabar ri videos pa ri oficina che e kʼo wi y xaq xiw kkikoj rax che ri pared. Are chiʼ e kʼi qachalal keʼel pa jun video, chkijujunal kekunik kkibʼan grabar pa ri oficina o pa ri kachoch.

 Xuqujeʼ qabʼanom programas pa taq ri computadoras rech keqatoʼ ri equipos re lenguaje de señas. Rumal wariʼ, naj ta chi tiempo kebʼan ri videos pa ri lenguaje de señas. Ri e qachalal sibʼalaj kekikot rukʼ wariʼ. Jun qachalal ubʼiʼ Alexánder kubʼij: «Sibʼalaj kinkikotik rumal che más kʼi videos tajin kebʼanik chuwach ojer kanoq. Ronojel taq qʼij kinwil jun video».

 Kimik uyaʼik ri kajwataj che jun equipo xa chi 5.000 dólares ksachik. Rumal wariʼ, kojkunik keqabʼan videos pa kʼi taq lenguajes de señas.

 Are chiʼ kʼo chi ri video pa lenguaje de señas, rajawaxik ktaq bʼi chke ri keʼilowik. Ojer kanoq, ri videos ketaq bʼi pa jun empresa rech kubʼan copias pa videocintas y DVD, tekʼuriʼ ketaq bʼi pa ri congregaciones. Are kʼu ubʼanik wariʼ kukʼam bʼi kʼi tiempo, chuqʼabʼ y pwaq. Xaq xiw pa ri junabʼ 2013 xsach más che 2.000.000 de dólares che ubʼanik DVD pa lenguaje de señas.

 Ri winaq che kkita taj sibʼalaj kekikot rukʼ ri videos riʼ, are kʼu kʼax kkibʼan che rilik, más na are chiʼ kʼi chi ri videocintas y DVD kʼolik. Jujun taq mul, jun libro re ri Biblia kʼi DVD kukʼam bʼik. Jun qachalal re Brasil ubʼiʼ Gilnei kubʼij: «Are chiʼ kqaj kqasikʼij jun texto re ri Biblia rajawaxik kqatzukuj na pa ri videocinta tekʼuriʼ kqatzukuj ri versículo. Sibʼalaj kʼax ubʼanik wariʼ». Jun qachalal ixoq ubʼiʼ Rafayane, che xukoj ri DVD pa lenguaje de señas, kubʼij: «Sibʼalaj kosibʼal unikʼoxik ri Biblia. Kʼi tiempo kintzaq che utzukuxik ri textos y ri referencias». Y are chiʼ kebʼe che utzijoxik ri utzij ri Dios, ri e qachalal rajawaxik kekikʼam bʼi ri DVD y ri videocintas rech kkikoj pa ri kitele ri winaq che kkaj kketaʼmaj más. E jujun qachalal kkikʼam bʼi ri kireproductores re DVD. Tekʼuriʼ xeʼel lo ri reproductores re DVD portátiles che kʼo upantalla y che kʼax ta ukojik. Bobby, che kel pa Estados Unidos, kubʼij: «We kqakʼut jun texto chuwach ri winaq tekʼuriʼ kqaj kqakʼut chi jun, jujun taq mul rajawaxik kqakʼex ri DVD. Rumal che naj tiempo kukʼam bʼik, kʼax ukojik ri Biblia are chiʼ kqatzijoj ri utzij ri Dios».

 Pa ri junabʼ 2013, ri utinamit ri Jehová xresaj lo ri aplicación JW Library Sign Language, rukʼ wariʼ ri e qachalal kekunik kkibʼan descargar y kkil videos pa lenguaje de señas pa ri kiteléfono o tablet. Are chiʼ kʼateʼ xel loq xaq xiw kʼo pa ri lenguaje de señas americano, are kʼu pa ri 2017 xsukʼumaxik rech konojel ri lenguajes de señas kekunik kkikojo. Sibʼalaj xekikot ri qachalal. Jun qachalal re Brasil ubʼiʼ Juscelino kubʼij: «Sibʼalaj xinmayo. Xwilo che ri jikalaj pataninel sibʼalaj kojuloqʼoqʼej y kraj che kqetaʼmaj ri qastzij junam kukʼ ri winaq che kkito. Are chiʼ xel lo ri aplicación, sibʼalaj xinkikotik y más xwaj xwetaʼmaj chrij ri Biblia».

 Kimik, keqabʼan ri videos y keqaya pa ri qakʼolbʼal pa internet jw.org y pa ri aplicación JW Library Sign Language. Rumal wariʼ, uqʼaxexik ri qawuj pa ri lenguaje de señas, ubʼanik grabar y utaqik bʼi chke ri winaq kukʼam ta chi bʼi kʼi ikʼ o kʼi junabʼ, xaneʼ xa kebʼ oxibʼ qʼij chik kukʼam bʼik. Xuqujeʼ pa kʼi lenguajes de señas xaq junam keʼel ri qawuj kukʼ ri nikʼaj chi chʼabʼal.

 Chqilaʼ ri xkibʼij jujun qachalal che kkita taj. Jun qachalal ixoq ubʼiʼ Klízia kubʼij: «Kʼo ta nijun organización qas kel ukʼuʼx chke ri winaq che kkita taj. Xaq xiw ri utinamit ri Jehová kuya ri kajwataj chqe pa ri qakojonik». Y Vladimir kubʼij: «Ri videos kukʼut chnuwach che ri Jehová keʼuloqʼoqʼej ri winaq che kkita taj junam rukʼ kubʼan chke ri kkito»

 Kʼi chke ri qavideos pa ri lenguaje de señas kubʼij wariʼ: «Wajun wuj riʼ ktobʼan che jun loqʼalaj tijonik re ri Biblia che tajin kyaʼ cho ronojel uwach Ulew, kbʼan rukʼ ri e kuchuj che kkiya ri winaq rukʼ rutzil kanimaʼ». Kqamaltyoxij ri e kuchuj ri kiya pa ri obra mundial pa donate.dan124.com. Rukʼ ri kuchuj kojkunik keqabʼan Biblias y ri e qawuj rech ri winaq kketaʼmaj ri qastzij, xuqujeʼ ri videos pa lenguaje de señas.