«Are chiʼ kinbʼisonik sibʼalaj kuya nuchuqʼabʼ ri e bʼixonem re JW Broadcasting^®» (Lorraine, Estados Unidos).

Ri cristianos amaqʼel kebʼixon che ri Jehová (Col. 3:16). We kakʼol pa ri ajolom ri e bʼixonem, wariʼ katutoʼo are chiʼ kʼo ta ri wuj re bʼixonem awukʼ o kʼo ta jun adispositivo. Kʼo jujun tobʼanik che katutoʼo.

• Chatasaʼ atiempo che usikʼixik y uchʼobʼik ri letras kech ri e bʼixonem. Are chiʼ kqetaʼmaj jun jastaq, kʼax ta unaʼtajisaxik riʼ pa qajolom. Pa jw.org kriqitaj ronojel ri letras kech ri e bʼixonem xuqujeʼ ri e bʼixonem re JW Broadcasting y ri e bʼixonem kech ri akʼalabʼ. Rech keʼariqo, chapitzʼaʼ pa ri pestaña «Biblioteca» tekʼuriʼ ja wi kubʼij wi «Música».

• Chatzʼibʼaj ri letra cho jun wuj. Wariʼ katutoʼo rech kekanaj ri e bʼixonem pa ajolom (Deut. 17:18).

• Amaqʼel chatijoj awibʼ. Chasikʼij ri letras y chabʼixoj kʼi mul.

• Chawilaʼ we kkanaj ri letras pa ajolom. Amaqʼel chatchoman chrij ri letras rech kawilo we xkanaj kan pa ajolom.