¿Tapukunantsikku imë ëwanapaq kaqta? Awmi. Ëkaq shayämunëki kaptimpis, llapëki shamoqkuna shumaq reqipakuyänëkipaqqa, allim kanman juk semäna o mas pishikaptin, imë shamuyta munayanqëkita willarayämanqëki. Tsëmi yanapakunqa, atskaq shayämuptiki mana kichki kanampaq. Feriädu kaptin o wamrakuna vacacionchö kayanqan witsanqa, mas tiempuwanmi imë shayämunëkipaq kaqta willayämänëki.

Mana tapukur shamurqa, ¿reqipakuyta puëdinkitsuraq? Mana tapukur shamuptikipis, mana atskaq kayaptinqa reqipakuyta puëdinëkipaqmi yanapariyashqëki. Tsënö kaptimpis, mana alläpa jatun kaptinmi, cada junaq yupashqalla shamuyta puëdiyanki.

Reqipakoq shamurqa, ¿imë höratan chämunëki? Atskaq shayämuptin mana kichki kanampaqqa, allim kanman rikapakoq shamunëki hörapaq quinci minütuspitapis masraq pishikaptin chämunqëki.

¿Imanötan visitakoq shamunëkipaq willayämankiman? Reqipakuyta munaqkuna diezpita mënuslla kayaptikiqa, “Rikapakoq shayämunëkipaq qellqayämë/Menos de 10 personas” neqman yëkuri. Reqipakuyta munaqkuna diezpitapis mas kayaptikiqa, jawachö yarqamoq direccionman qellqarayämë o tsëchö nümeruman qayarayämë.

¿Imë shamunëkipaq kaqta rikëta o cambiëta puëdinkiku? Awmi. “Imë shamunëkipaq kaqta rikäri o cambiari” neqman yëkuri.

Munanqëki junaqpaq mana kaptinqa, ¿imatatan rurankiman? Kë päginata cada junaq rikärëkë. Höraqa mana shayämuptin o juk junaqna shayämunan kaptinmi, munanqëki junaqpaq libri kanqa.

Avenida 15 #4608

PLAYA, LA HABANA

CUBA

+53 7 204 7598

+53 7 204 1026

InboxLOBBY.CU@bethel.dan124.com