Bibliapita yachakuykaqkuna Jehoväwan alli amïgu kayänampaqqa mana alli rurëkunata dejayänan (1Pë 1:14-16). Tsënö rurayanqanqa familianwan alli kawakunampaq, mas alli saloryoq kanampaq y qellënintapis mana lluta gastanampaqmi yanapanqa.

Bibliapita yachakuykaqkunata Jehovä mandakunqankunata cläru yachatsi y tsëta cäsukurqa mas alli kawakuyänampaq kaqta nï. Bibliapita yachëkätsinqantsik nunakunataqa Jehovä munanqannö pensayänampaq yanapashun, tsëpitaqa kikinkunallanam Jehoväta cäsukuyanqa (Ef 4:22-24). Y mana alli rurëkunata dejayänan mana fäcil kaptimpis Jehovä yanapanampaq kaqta nï (Flp 4:13). Mana alli rurëta munanqan höra Jehoväman mañakunampaq yachatsi. Imakuna jutsata rurëman chätsinampaq kaqta alli musyayänampaq y mana alli rurëkunata alli rurëkunawan cambiayänampaq yanapë. Y Bibliapita yachatsinqantsik nunakuna Jehovä yanapaptin cambiukuna ruraqta rikarqa, alläpam kushikushun.

BIBLIAPITA YACHAKUYKAQKUNATAM YANAPANANTSIK: JEHOVÄ DIOS CHIKINQANTA MANA RURAYÄNAMPAQ NEQ VIDEUTA RIKÄRIR, KË TAPUKUYKUNATA CONTESTË:

• Anciänukuna y Rïtaqa, ¿ima niyarqantan Rösa “drögatam fumä” niptin?

• ¿Imanötan Rïtaqa Rösata yanaparqan?

• ¿Imatatan Rösaqa rurarqan Jehovä yanapanampaq?