Diospaj gobiernoca tucui gobiernocunata tucuchishpami cai Allpapi tucui vida mandanga (Daniel 2:44; Apocalipsis 16:14). Diospaj gobiernoca caitami ruranga:

•   Mana cazujcunata, ñucanchijta llaquichijcunatapishmi tucuchinga. “Diosta mana manchajcunaca, cai llajtamanta llujshichishpa cachashcami canga” (Proverbios 2:22).

•   Diospaj gobiernoca tucui macanacuicunatami tucuchinga. ‘Diosca tucui cai pacha macanacuicunata tucuchijmi’ (Salmo 46:9).

•   Diospaj gobierno mandacujpimi tranquilo causashun. “Chaipica pi mana manchachingachu. Quiquin uva yura ucupi, quiquin higo yura ucupi tiyarishpami samaringacuna” (Miqueas 4:4).

•   Diospaj gobiernoca cai Allpataca sumaj paraisotami ruranga. “Shitashca pambacunapish, chaquishca pambacunapish cushicungacunami. Shitashca pambapish cushicungami. Rosas shinami sisanga” (Isaías 35:1).

•   Diospaj gobierno mandacujpica sumaj trabajocunatami charishun. “Ñuca agllashcacunaca paicuna trabajashcahuanca paicunallatajmi cushicungacuna. Paicunaca mana yanga trabajangacunachu” (Isaías 65:21-23).

•   Diospaj gobiernoca tucui ungüitami tucuchinga. “‘Ungushcami cani’ nishpa pi mana ningacunachu” (Isaías 33:24).

•   Diospaj gobiernopica pi mana yuyajyangachu. “Paipaj aichaca, llullu huahuapaj aichatapish yalli llullujlla tucushpami, chairaj cashca punllacunaman tigranman” (Job 33:25).

•   Diospaj gobiernoca huañushcacunata causachinga. ‘Tucui pambashcacuna Runa Aichayuj rimashcata uyashpa causaringacuna’ (Juan 5:28, 29).