23 de mayo de 2022 huatapimi Organización Mundial de la Saludca COVID-19 ungüihuan contagiarishcamanta, seis millón yalli gentecuna huañushcata nirca. Shinapish 5 de mayo de 2022 huatapajca cai organizacionllatajmi ashtahuan gentecuna huañuna cashcata ña huillarca. “2020 y 2021 huatapica gentecuna shujtaj ungüicunahuan huañujpipish COVID ungüi paicunata huañuchishcatami nirca. Totalca casi 15 millón gentecunami huañurca”. ¿Cai millai ungüicunamantaca Bibliapica imatataj yachachin?

•    Jesusca tucuri punllacunapi ‘tucui laya ungüicuna’ tiyana cashcatami huillarca (Lucas 21:11, 2 Timoteo 3:1).

 Jesús huillashcacunaca cunan punllacunapimi pajtaricun. Caimanta ashtahuan yachangapajca “¿Tucuri punllacunapaj señalcunaca maijancunataj can?” nishca temata ricui.

•    ‘Tucuipi cushichij Diosca tucui ñucanchij llaquicunapimi cushichin’ (2 Corintios 1:3, 4).

 Achca gentecunapaj cꞌuyashca familiacuna, amigocunami huañushca. Pero Biblia nishcacunami paicunata animashca. Caimanta ashtahuan yachasha nishpaca “Ñaupajmanmi cati tucungui: Caita rurai”, “Bibliapi yachachishcacunami ayudai tucun” nishca temacunata ricui.

•    Mateo 6:10-pica: “Cambaj Gobierno mandanaman shamuchunmi munanchij. Cai allpapipish jahua pachapi shina can munashcata rurahuai” ninmi.

 “Diospaj Gobierno” mandacujpica “‘ungushcami cani’ nishpa pi mana ningacunachu” (Marcos 1:14, 15; Isaías 33:24). Diospaj Gobierno imata ruranata ashtahuan yachangapajca ¿Diospaj Mandanaca imataj can? nishca videota ricui.

 Bibliapi tiyaj consejocunamanta, Dios cusha nishcacunamanta ashtahuan yachachunmi animanchij.