JW LIBRARY
Qillqakunata hurquspayki munasqaykiman hina churay (Windows)
JW Library nisqanpim achkallaña qillqakuna hinaspa videokuna kachkan mana internetllawanñam qawanaykipaq.
Qatiqninpi yanapaykunata qaway qillqakunata hurqunaykipaq:
¿Imaynatam qillqakunata hurquna?
Chaykunata internetmanta hurquspaykiqa mana internetllawanñam qawawaq.
Hanay patachanpi Publicaciones niqpi ñitiy hinaspa Categorías nisqanpi, chaypim achka qillqakunata tarinki.
Comandos de la aplicación niqta kichaykuspa Idiomas niqpi ñitiy. Chaypim achka rimaykuna rikurinqa. Akllay munasqayki rimayta. Qallariyllanpim rikurichkan ima rimaykunata sapa kuti astawan akllasqayki. Qillqawaqtaqmi maskasqayki rimaytapas.
Categorías nisqanpi ñitiykuptikiqa librokuna, huk qillqakuna hinaspa videokunam sumaq rakinasqa kachkan akllasqayki rimaypi. La Atalaya nisqanpi ñitiykuptikiqa rikurinqam ima watamanta ima watakama rakinasqa kaq Atalaya qillqakuna. Qallariyninman kutinaykipaqqa Todas las categorías niqpi ñitiy.
Lo nuevo nisqanpi ñitiykuptikiñataqmi chayllaraq lluqsimuq qillqanchikkuna rikurimunqa ima rimaypi maskasqaykiman hina.
Manaraq hurqusqayki qillqakunaqa waqtachanpi puyu dibujochayuqmi kachkan. Hurquy munasqayki qillqapa hawanpi ñitiy. Hurquptikiñam puyu dibujochaqa chinkanqa. Kaqmanta ñitiykuspaqa chay qillqataqa leewaqñam.
Descargado niqta ñitiykuptikiñataqmi ima rimaypipas hurqusqayki lliw qillqakuna rikurimunqa. Allichaykuwaqmi kaynata ñitiykuspayki Las que más usa, Las que menos usa utaq Tamaño nisqankuna.
¿Imaynatam qillqakunata chinkachina?
Manaña servichikunaykipaq kaq qillqakunataqa aparatoykimantam chinkarachiwaqña.
Hanay patachanpi Publicaciones niqpi ñitiykuspayki Categorías niqpi ñitiy hinaptinmi hurqusqayki qillqakuna rikurinqa. Chaypi chinkachiyta munasqayki qillpapa hawanpi ñitirayay hinaspa Comandos de la aplicación niqta kichaykuspa Borrar niqpi ñitiy.
Tukuy ima hurqusqayki tabletnikiman huntaruptinqa chinkarachiwaqmi mana ancha servichikusqayki kaqkunata. Chaypaqqa Publicaciones hinaspa Descargado niqta ñitiy hinaspa allichay Las que menos usa utaq Tamaño nisqankunapi. Manaña servichikunaykipaq kaq qillqata chinkachiy.
¿Imaynatam kaqmanta qillqakunata hurquna?
Wakinpiqa hurqusqaykiña kaq qillqam allichasqa lluqsimun.
Chay allichasqa kaq qillqakunaqa sutillam kachkan uray patachanpi flechacha muyuriq dibujochayuq. Chay qillqapa hawachanpi ñitiykuptikim rikurimunqa iskay willakuykuna. Hina chay horalla musuq kaqta hurquyta munaspaykiqa ñitiy Descargar ahora niqpi, manachayqa Descargar después niqta ñitiy leenaykipaq.
Allichasqaña qillqakuna lluqsimusqanta yachanaykipaqqa Publicaciones niqpi ñitiy. Allichasqa qillqakuna kaptinqa rikurinqam Actualizaciones pendientes niq. Chaypi ñitiy allichasqa qillqakunata qawanaykipaq. Munaspaykiqa sapa qillqapa hawanpim ñitiwaq aparatoykiman hurqunaykipaq utaq ñitiykuwaq Actualizar todo niqta lliw qillqakunata hurqunaykipaq.
Kay yanapakuykunaqa 2015 watapa marzo killanpim lluqsimurqa JW Library 1.4 nisqawan, chayqa tupanmi Windows 8.1 nisqawan chay qipaman lluqsimuqkunawanpas. Chay yanapakuykunata mana tarispaykiqa, ama hina kaspa qaway: “JW Library nisqata servichikusun (Windows)” nisqa yachachikuypi lluqsimuqta. Chaypim kachkan Chayllaraq lluqsimuqkuna niq.
