AGUJA colipinta sutiyoq karu-karu pawasqanwanmi runakuna anchata admirakunku. 11.000 kilometrotam pawan pusaq punchawpuni otaq mastapas mana samaykuspan.

Kaypi yuyaymanay: Yachaysapa runakunam ninku wakin pichiruchakunapa umanpi huk mapa hina mayman rinanpaqpas yanapasqanmanta. Kay aguja colipintaqa yaqachusmi punchawpi pawan intita qawaspan, tutañataq killata qawaspan. Yaqachusmi musyayta atinku llumpay wayra hichpamuptinpas, hinaspanmi chay wayrapa yanapakuynintapas allinta servichikunku. Imayna kaptinpas, chaykunamanta yachaq runakunaqa manam entiendeyta atinkuchu chay aguja colipintakunapa imayna pawasqankumantaqa. Chay animalkunata estudiaq Bob Gill runam nin: “Iskay chunka watañam estudiachkani, ichaqa hinallaraqmi admirasqa kachkani”, nispa.

¿Ima ninkitaq? ¿Imatam qawachin aguja colipintapa pawasqanqa? ¿Kikillan rikurisqantachu icha unanchasqa kasqantachu?