QARANPI KAQ YACHACHIKUY
¿Imaynatam aswan allinta kawsakuwaq?
-
AGUSTINMI tutapaylla hatarispan wakin punchawkuna hina kallpaq lluqsinanpaq kaq pachanwan hinakun. Hinaspanmi kallpaq lluqsin. Yaqa huk watañam semanapi kimsa punchaw kallpaq lluqsin.
-
Laurie sutiyuq warmim qusanwan piñanakurusqanrayku cocinanman pasaspan achka miskikunata utaq chocolateta mikukurun. Chaynatam piñakuruspanqa sapa kuti ruwan.
Agustinmi kallpaq lluqsin chayna costumbreyuq kasqanrayku, Laurie warmiñataqmi chocolatekunata mikun chayna mana allin costumbreyuq kasqanrayku.
¿Qamqa imayna costumbreyuq kaytataq munawaq? Munawaqchá aswan maschata puñuyta, kallpaq utaq pukllaq lluqsiyta, chaynataq aylluykikunawan masta rimaytapas.
Chaywanpas ichapas saqiyta munachkanki cigarro pitayta, mana allin mikuykunata hinaspa internetta utaq televisionta unay tiempo qawaynikita.
Ichaqa mana allin costumbrekuna saqiyqa sasam. Mana allin costumbrekunaqa kanmansi chiri punchawpi quni camaman usturuy hina, saqiyñataqsi kanman chay camamanta mana lluqsiy munasqanchik hina.
Chayrayku, ¿imaynatataq mana allin costumbrekunata saqichwan hinaspa allin costumbreyuqkuna kachwan? Yachaykusunyá biblia chaymanta yachachisqanta.
