Diospa Palabranmanta yachay

¿Imataq pasanqa Juicio Punchawpi?

Kay yachachikuymi kikikipa Bibliaykiwan wakin tapukuynikita contestasunki. Munaptikiqa Jehová Diospa testigonkunam kay tapukuykunamanta yachanaykipaq yanapasunkiman.

1. ¿Imataq Juicio Punchawqa?

Alleq lawpi dibujom qawachin Bibliapa willakusqan Juicio Punchawpi ima pasananmanta runakuna piensasqanta. Piensankum wara-waranqantin runakuna Diospa qayllanpi rurasqankuman hina juzgasqa kanankumanta. Ninkum hanaq pachapi wakin runakuna kawsanankumanta hinaspa infiernoman rinankumantapas. Bibliam ichaqa nin Juicio Punchaw tukuy mana allinkunawan tukunanmanta (Salmo 96:13). Diosqa Jesustam Juez kananpaq akllarun, chaynapi tukuy mana allinkunata tukuchinanpaq. (Leey Isaias 11:1-5; Hechos 17:31.)

2. ¿Imaynatam Juicio Punchawqa mana allinkunata tukuchinqa?

Adanqa manam Diostaqa kasukurqachu. Paypa huchanpim lliw mirayninkuna pantaq kanchik, ñakarinchik hinaspa wañunchikpas (Romanos 5:12). Tukuy chaykunata allichananpaqmi Jesusqa wara-waranqantin runakunata kawsarichimunqa. Apocalipsis libron willawanchik waranqa wata Jesus kamachiptin chaykuna pasakunanmanta. (Leey Apocalipsis 20:4, 11, 12.)

Kawsarimuqkunaqa juzgasqam kanqaku, ichaqa manam ñawpaqpi rurasqankuman hinachu, aswanqa Apocalipsis libropa 20 capitulonpi nisqanman hina kawsasqankumantam (Romanos 6:7). Apostol Pabloqa ‘allin runakunawan mana allin runakuna’ kawsarimunanmantam nirqa hinaspa Diosmanta yachay atinankumantapas. (Leey Hechos 24:15.)

 3 . ¿Imakuna ruraytam atinqa Juicio Punchawqa?

Diosta mana reqsispa wañukuq runakunaqa, Dios serviytam atinqaku. Kawsarimuqkuna allinta ruraspankuqa ‘wiñaypaq kawsakuytam’ atinqaku. Kawsarimuspa Diosta mana kasukuqkunam ichaqa ‘castigasqa kanqaku’. (Leey Juan 5:28, 29; Isaias 26:10; 65:20.)

Waranqa watapi Juicio Punchaw tukuruptinqa, runakunaqa mana pantaqñam kanqaku qallariypi hina (1 Corintios 15:24-28). ¡Ima sumaqmi kanqa kasukuqkunapaqqa! Waranqa wata wichqasqa kasqanmantam, Diabloqa kacharisqa kanqa runakunata pruebaman churananpaq. Satanasqa tukuytam ruranqa Diosmanta runakunata karunchananpaq, ichaqa chay pruebata pasaqkunam kay Pachapi wiñaypaq kawsakunqaku. (Leey Isaias 25:8; Apocalipsis 20:7-9.)

4. ¿Ima allinkunatam Diospa piñakuynin punchawqa apamunqa?

Bibliaqa rimantaqmi Diospa piñakuynin punchawmantapas. Chayqa kay pachapi mana allinkunatam chinkachinqa. Chay punchawqa qonqayllamantam hamunqa, Noeypa tiempopi mana allin runakuna chinkachiq sinchi para hina. Ñam ‘huchasapa runakunaqa’ chinkachisqaña kanqa, hinaptinmi “tukuy imapas allin arregloman hina rurasqa kanqa”, chaypi kasukuq runakunapaq. (Leey 2 Pedro 3:6, 7, 13.)

Astawan yachayta munaspaqa qawariy ¿Imatapunim Bibliaqa yachachin? libropa 213-215 paginankunata, kay libroqa Jehová Diospa testigonkunapa rurasqanmi.

[20 kaq paginapi dibujo]

El Juicio Final, de Gustave Doré (1832-1883)

[Reqsikunchikmi]

Grabado de Doré

 [16 kaq paginapi dibujo]

 [17 kaq paginapi dibujo]

[17 kaq paginapi dibujo]