¿Sapa kutichu qampas mañakunki? Achka runakunam ninku sapa kutilla mañakusqankumanta. Diospi mana creeqkunapas wakinqa mañakunkum, ¿imanasqataq mañakunku? Francia nacionpi tapuptinkum achka runakuna nirqaku “Diosta mañakuspaqa otaq yuyaymanaspaqa allin sientekusqankumanta”. Europa lawpi wakin runakunapas Diostaqa mañakunkum, ichaqa manam Diosman asuykuyta munaspachu aswanqa “hawkayayta tarinankuraykullam”. Wakin runakunaqa Diospim iñinku ichaqa ima sasachakuypipas tarikuspallam otaq imatapas necesitaspallam mañakunku (Isaias 26:16).

¿Ima ninkitaq qamqa? ¿Imapaqpas tanteakuspa mana pantaruyta munaspallachu mañakunki? Diospi creespaqa, ¿musyankichu mañakusqaykiman hina contestasusqaykita icha manachu? Mañakunaqa manam hawkayayta maskanallapaqchu aswanqa Jehova Diosman asuykunapaqmi, chaytam Biblia yachachiwanchik.