Mateo 23:1-39
23 Chaymantataq Jesusqa llapa runakunata discipulonkunatawan nirqan:
2 “Kamachikuy simita yachachiqkunapas fariseokunapas Moisés jina atiyniyoq kanankupaqmi creekunku.
3 Chayrayku, tukuy ima nisqasuykichistapas ruwallaychis, ichaqa aman paykuna jinaqa kankichischu, paykunaqa nishaspankupas manan ruwankuchu.+
4 Imapas kamachisqankuqa llasa q’epi jinan, chaytataq runakunaman q’epichinku,+ paykunataqmi ichaqa mana dedollankuwanpas chayta kuyurichiyta munankuchu.+
5 Paykunaqa runakunaq rikunallanpaqmi tukuy imatapas ruwanku;+ mat’inkupi lloq’e makinkupiwan watakusqanku cajachakunatan* jatunyachinku,+ p’achankuq puntanpi q’aytukunatapas jatunmanmi tukuchinku.+
6 Jatun mijuykunapipas allin kaq tiyanallapin tiyayta munanku, sinagogakunapipas ñaupaqllapin tiyayta munanku.+
7 Mercado plazakunapipas napaykunatan munanku, “yachachiq”* nispa ninatan munankupas.
8 Qankunan ichaqa ama “yachachiq” nispaqa nichikunkichischu, jujllan yachachiqniykichisqa;+ qankunaqa llapaykichispas wayqellantinmi* kankichis.
9 Amataq kay pachapiqa pitapas “taytáy” ninkichischu, jujllan Taytaykichisqa,+ janaq pachapi kaqlla.
10 Amallataq piwanpas “umalli” nispaqa nichikunkichischu, jujllan umalliykichisqa, payqa Criston.
11 Pipas qankuna ukhupi kuraqpaq qhawarikuqqa serviqniykichismi kanan.+
12 Pipas jatunchakuqqa k’umuchisqan kanqa,+ pipas k’umuykukuqtaq jatunchasqa kanqa.+
13 ”¡Ay qankunamanta, iskay uya fariseokuna, kamachikuy simita yachachiqkuna! Janaq pacha gobiernoq punkuntan wisq’ankichis runakuna mana jaykunanpaq, manataqmi qankunapas jaykunkichischu, jaykuy munaqkunatapas jark’ankichismi.+
14 *——
15 ”¡Ay qankunamanta, iskay uya fariseokuna,+ kamachikuy simita yachachiqkuna! Lamar-qochanta ch’aki jallp’anta imaraqmi purinkichis juj runata t’aqaykichisman jaykuchinaykichispaq, t’aqaykichisman jaykuqtintaq Gehenaman* wijch’uykusqa kananpaq jina tukuchipunkichis, qankunamanta aswan juchayoqmanraqmi tukuchinkichis.
16 ”¡Ay qankunamanta, ñausa umallikuna!+ Qankunan ninkichis: Pipas templorayku juran chayqa, manan imananpaschu; pipas templopi qorirayku juraqmi ichaqa junt’ananpuni,+ nispa.
17 ¡Mana allin yuyayniyoq ñausakuna! ¿Mayqentaq aswan allin? ¿Qorichu icha qorita ch’uyanchaq templochu?
18 Qankunan nillankichistaq: Pipas altar-rayku juran chayqa, manan imananpaschu; pipas altar patapi kaq ofrendarayku juraqmi ichaqa junt’ananpuni, nispa.
19 ¡Ñausakuna! ¿Mayqentaq aswan allin? ¿Ofrendachu icha ofrendata ch’uyanchaq altarchu?
20 Chhaynaqa, pipas altar-rayku juraqqa manan altar-raykullachu juran, aswanpas llapa chay patapi kaqkunarayku iman.
21 Pipas templorayku juraqpas manan temploraykullachu juran, aswanpas chaypi tiyaqrayku iman.+
22 Pipas janaq pacharayku juraqpas Diospa trononraykun juran, chay tronopi tiyaqrayku ima.
23 ”¡Ay qankunamanta, iskay uya fariseokuna, kamachikuy simita yachachiqkuna! Qankunaqa diezmotan qoshankichis mentamanta, eneldomanta,* cominomantawan;+ kamachikuy simimanta aswan allin kaqkunatan ichaqa mana ruwankichischu, chaykunan: chanin kay,+ khuyapayakuq kay,+ junt’aq kay ima. Diezmotaqa qonaykichispunin karqan, ichaqa manan juj ruwaykunatapas qonqanaykichischu karqan.+
24 ¡Ñausa umallikuna!+ Qankunaqa ch’uspitan suysunkichis,+ camellotan ichaqa enterollata millp’uykunkichis.+
25 ”¡Ay qankunamanta, iskay uya fariseokuna, kamachikuy simita yachachiqkuna! Copatapas platotapas jawallantan maqchinkichis,+ ukhunmi ichaqa munapayaywan,+ sonqoq tukuy ima munasqanwan junt’a kashan.+
26 Yau ñausa fariseo, ñaupaqtaqa copatapas platotapas ukhuntaraq maqchiy, chhaynapi jawanpas limpio kananpaq.
27 ”¡Ay qankunamanta, iskay uya fariseokuna,+ kamachikuy simita yachachiqkuna! Yuraqchasqa sepulturakuna jinan kanchichis,+ chaykunaqa jawallanmantan munay rikukun, ukhuntaq ichaqa wañusqakunaq tullunwan, imaymana millakuna kaqkunapiwan junt’a kashan.
28 Chhaynan qankunapas runakunaq rikunallanpaq chanin runaman tukunkichis, sonqoykichistaq ichaqa iskay uya kaywan mana allin ruwaykunapiwan junt’a kashan.+
29 ”¡Ay qankunamanta, iskay uya fariseokuna,+ kamachikuy simita yachachiqkuna! Profetakunaq sepulturantan ruwankichis, chanin runakunaq sepulturantapas munaymanmi tukuchinkichis.+
30 Ninkichistaq: Ñaupa taytanchiskunaq tiemponpi kausasunman karqan chayqa, manan profetakunata wañuchiqmasinkuchu kasunman karqan, nispa.
31 Chhaynapin qankunallataq willakunkichis profetakunata wañuchiqkunaq wawankuna kasqaykichista.+
32 Chhaynaqa, tukupaychisyá ñaupa taytaykichiskunaq ruway qallarisqankuta.
33 ”¡Mach’aqwaykuna, arí, mach’aqway miraykunan kankichis!+ Qankunaqa manapunin ayqenkichischu Gehenaman* wijch’uykusqa kanapaq juzgasqa kanaykichismantaqa.+
34 Qhawariychis, qankunamanmi kachamushaykichis profetakunata,+ yachayniyoq runakunata, yachachiqkunata ima.+ Paykunamanta wakintan wañuchinkichis,+ wakintataq k’aspipi warkunkichis, wakintataq sinagogaykichiskunapi waqtaykunkichis,+ wakintañataq llaqtan-llaqtanta qatikachankichis.+
35 Chhaynapin kay pachapi chanin runakunaq yawarnin jich’akusqanmanta qankuna juchayoq kankichis, chanin Abelpa+ yawarninmantapacha Baraquiaspa wawan Zacariaspa yawarninkama, paytan qankunaqa wañuchirqankichis temploq pationpi altarpa qayllanpi.+
36 Cheqaqtan niykichis: Llapan chaykunaqa kay tiempo runakunamanmi chayamunqa.
37 ”¡Jerusalén, Jerusalén, qanmi kanki profetakunata wañuchiq, qanman kachamusqakunata rumiwan ch’aqeqpas!+ ¡Askha kutitan wawaykikunata juñuyta munarqani imaynan wallpapas chiuchinkunata rafran ukhupi oqllan jinata, qankunan ichaqa mana munarqankichischu!+
38 Chayraykun wasiykichis* wijch’usqa kanqa, qankunamanmi saqerparisqa kanqa.*+
39 Chaymi niykichis: Kunanmantaqa manapunin rikuwankichisñachu, ¡sumaqpaq qhawarisqa kachun Jehová* Diospa sutinpi jamuqqa!,+ ninaykichiskama”, nispa.
Uraypi willakuykuna
^ Chay cajachakunapin karqan Diospa simin qelqakuna. Chaytan judío runakunaqa watakuqku mana allin kaqmanta waqaychasqa kanankupaq.
^ Chaypiqa “rabí” nillanmantaqmi. Qhaway Explicasqa simikuna nisqapi “Rabí, raboni” nisqata.
^ Mayninpiqa warmipaq qharipaqwanmi Bibliapiqa “wayqeykuna” nispa nin.
^ Kay versiculoqa manan rijurinchu Westcott, Hort runakunaq ruwasqanku griego rimay qelqapi nitaq wakin allin reqsisqa qelqakunapipas. Qhaway “Astawan yachanapaq A3” nisqata.
^ Gehena nisqaqa Jerusalén llaqtaq cantonpi q’opa kanana wayq’on karqan. Qhaway Explicasqa simikuna nisqapi “Gehena” nisqata.
^ Eneldoqa anís planta jinan, chaywanmi mijunata sumaqyachiqku.
^ Gehena nisqaqa Jerusalén llaqtaq cantonpi q’opa kanana wayq’on karqan. Qhaway Explicasqa simikuna nisqapi “Gehena” nisqata.
^ Chaypiqa templomantan rimashan.
^ Chaypiqa yaqapaschá “qankunaman ch’usaqta saqerparipunqa” nillanmantaq.
^ Qhaway “Astawan yachanapaq A5” nisqata.
