Amigonchiskunataqa munakunchismi, sumaqtan yanaparinchispas. Goliat-ta wañuchisqan qhepamanmi Davidqa Jonatanwan amigontin kapuranku (1 Sam. 18:1). Sapankankun qhawariranku imaynachus amigon kasqanta, chhaynapin allin amigontin kapuranku. Chhaynaqa piwanpas amigontin kananchispaqqa, ñaupaqtan payta allinta reqsinanchis. Redes sociales nisqanpin ichaqa mana reqsisqanchis runakunapas amigonchis kananpaq niwasunman. Chaymantapas internetpiqa fácil-llatan runakunaqa pakankuman imayna kasqankuta, imachus ruwasqankutapas. Chaymi allinta qhawarinanchis pikunachus internetpi amigonchis kayta munanku chayta. Sichus mana allin reqsisqanchis runa paywan amigontin kananchispaq mensajeta apachimuwasunman chayqa, manan aceptananchischu. Internetpiqa qonqayllan ima llakipipas tarikusunman, chayta yachaspan wakinqa mana redes sociales nisqata utilizankuchu. Ichaqa yaqapaschá qanqa wakinta utilizashanki, chhayna kaqtinqa, ¿imakunamantan cuidakunayki?

ALLIN YUYAYWAN UTILIZASUN “REDES SOCIALES” NISQATA QHAWASPA, KAY TAPUYKUNATA KUTICHIY:

• ¿Imakunatan qhawarinayki redes sociales nisqapi manaraq fotokunata churashaspa otaq qelqashaspa?

• ¿Imanaqtinmi internetpi amigoykikunata allinta ajllanayki?

• ¿Imanaqtinmi allinta qhawarinayki jayk’a horachus redes sociales nisqata qhawashanki chayta? (Efes. 5:15, 16).