Askha religionkunan “Diostan munakuyku” nishaspa imaymana juchakunata ruwarqanku. Chaypin rikukun chay religionkunaqa pantasqa, falso kasqanta. Llullakusqankuwan mana allinkunata ruwasqankuwan iman runakunata Diosmanta karunchanku. ¿Imaynatan Dios chayta qhawarin? ¿Imatan ruwanqa pantasqa religionkunawan? Chaymantan kunan yachasun.

1. ¿Imaynatan yachachisqankuwan runakunata Diosmanta karunchanku?

Pantasqa religionkunaqa “Diosmanta cheqaq yachachikuypi creenankumantaqa pantasqa yachachikuypin creenku” (Romanos 1:25). Diospa sutintapas manan runakunaman willankuchu. Biblian ichaqa niwanchis Diosta sutinmanta wajakunanchispaq (Romanos 10:13, 14). Falso religionpi kaqkunaqa ima desgraciapas kaqtinmi ninku: “Diospa munayninmi chayqa” nispa. Ichaqa chay nisqankuqa manan cheqaqchu, Diosqa manan jayk’aqpas ima mana allintapas ruwanmanchu (leey Santiago 1:13). Chhayna pantasqa yachachikuykunawanmi runakunaqa Diosmanta karunchakapunku.

2. ¿Imaynatan ruwasqankuwan runakunata Diosmanta karunchanku?

Pantasqa religionkunaqa manan Jehová Dios jinachu runakunata munakunku. Bibliaq nisqan jina, chay religionkunaq juchanqa “janaq pachakamaraqmi tauqasqa kashan” (Apocalipsis 18:5). Paykunaqa tukuy tiempon politicaman chhaqrukurqanku, kunankamapas chaytan ruwashanku; askha guerrakunatan apoyarqanku, paykunaq causanpitaq mana yupay atiy runakuna wañurqanku. Chay religionkunapi wakin umalliqkunaqa chay religionman jaykuq runakunaq qolqenwanmi reykuna jinaraq kausanku, mana contentakuspan qolqetapas mañakushallanku. Paykunaqa manan Diostaqa reqsinkuchu, ¿chaychu runakunata yanapankuman Diosta reqsinankupaq? (Leey 1 Juan 4:8).

3. ¿Imaninmi Dios falso religionkunaq ruwasqanmanta?

Maytachá phiñakunki pantasqa religionkunaq imaymana mana allinkuna ruwasqanta rikuspaqa. Jehová Diosqa astawanraqmi chay religionkunapaqqa phiñasqa kashan. Payqa maytan munakun runakunata, ichaqa sinchi phiñasqapunin kashan runakunata engañaq, sufrichiq falso religionkunapaqqa. Chaymi Diosqa chay pantasqa religionkunata wiñaypaq chinkachipunqa, “manataqmi jayk’aqpas” rijurimunqakuñachu (Apocalipsis 18:21). Pisi tiempollamantan Diosqa chayta ruwanqa (Apocalipsis 18:8).

 ASTAWAN YACHASUNCHIS

4. Diosqa manan llapa religionkunatachu chaskin

Askha runakunan piensanku llapa religionkuna Diosman pusawananchispaq. ¿Chhaynachu kanman? Leeychis Mateo 7:13, 14 textota, jinaspa jamuq tapuyman jina parlariychis:

• Bibliaq nisqan jina, ¿imaynan kausayman apaq ñañu ñan?

VIDEOTA qhawaychis, jinaspa jamuq tapuyman jina parlariychis:

• Bibliaq nisqan jina, ¿llapan religiontachu Dios chaskin?

 6. Diosqa manan munanchu pantasqa religionllapi runakuna kananta

Leeychis Apocalipsis 18:4 textota, a jinaspa jamuq tapuyman jina parlariychis:

• Diosqa maytan munashan falso religionkunaq engañasqan runakunata salvayta, ¿imaniwaqmi chaymanta?

7. Jehová Diosmanta astawan yachay

¿Dioschu juchayoq kanman falso religionkunaq mana allinkunata ruwasqankumanta? Kaypi piensaykuy: Juj wayna kanman mana kasukuq, maytaña papan rimapayaqtinpas manapuni allintachu kausanman, aswanpas wasinmanta ripuspa millay juchakunapi purinman. ¿Papanchu juchayoq kanman chay waynaq mana allinkuna ruwasqanmanta?

• ¿Allinchu kanman falso religionkunaq ruwasqanrayku manaña Jehová Diosmanta yachay?

 IMATAN YACHAMURQANCHIS

Falso religionkunaqa yanqa yachachikuyninkuwan, mana allinkuna ruwasqankuwan iman runakunata Diosmanta karuncharqanku. Chaymi Diosqa pisi tiempollamanta chinkachipunqa chay religionkunata.

Yuyarisun

• ¿Imaninkin pantasqa religionkunaq yachachisqankumanta ruwasqankumantapas?

• ¿Imaninmi Jehová Dios pantasqa religionkunamanta?

• ¿Imatan Dios ruwanqa pantasqa religionkunata?