BIBLIAQ YACHACHISQAN. “Casarakuytaqa lliwlla ancha allinpaq hap’ichunku, casarasqakunapas amataq wasanchanakuchunkuchu” (Hebreos 13:4).

CHAYQA ALLINNINCHISPAQMI. Wakinqa ninkun: “Chayqa manañan kay tiempopaqñachu”, nispa. Ichaqa maypachachus mayqenninkupas pantay ñanman urman chayqa sinchi sonqo nanasqan tarikunku, Biblia qelqakusqan tiempopipas kaqllataqmi sientekuqku, chayqa manan cambianchu (Proverbios 6:34, 35).

Martinmi * nin: “Manan engañanakuykuchu, chaymi munanakuspa kawsayku. Engañanakuqkunaqa manañan confianakunkuñachu”, nispa. Chaymantapas wawankupas k’irisqa sonqoyoqmi wiñanku.

Cristinaqa yaqan qosanwan t’aqanakapurqan, ninmi: “Mana allin runakunawanmi huñukuyta qallarirqani. Sapa tutanmi fiestamanpas riq kani, qosaytapas askha qharikunawanmi engañarqani”, nispa. Qosanwanqa discutispallan kawsaqku. Nillantaqmi: “Cuentatan qokurqani imaynata kawsashasqayta, taytaypas mamaypas niwaqmi ‘mana allin runakunawan huñukuspaqa paykuna hinan kapunki’ nispa, may cheqaqpunin kasqa chay niwasqankuqa”, nispa (1 Corintios 15:33).

Cristinaqa nillantaqmi: “Manaraq aswan problemapi tarikushaspaymi decidikurqani cambianaypaq Bibliata estudianaypaq ima, ichaqa kay kutipiqa yachasqayman hinan kawsarqani”, nispa. Cristinaqa manan t’aqanakuyman chayarqanchu, qosanpas respetapurqanmi. Nillarqantaqmi: “Bibliata estudiasqaymi yanapawarqan mana allin kawsayniyta, mana allin amigoykunatapas saqepunaypaq”, nispa.