MICHIKUNAQA tutapin purinku, sunkhantaqmi yanapan cazanankupaq, qayllankupi kaq cosaskunata otaq imatapas reparanankupaq ima.

Kaypi yuyaykuy: Michiq sunkhanqa cuerponpi kaq huch’uy nervionkunamanmi tupashan, chaymi imapas kuyun chayqa ratulla reparan. Chhaynapitaqmi michikunaqa tutapi reparanku ladonkupi kaq cosaskunata manaña rikunkuchu chaypas.

Michikunaqa atinkun calculayta maypichus imapas kuyushan otaq mikhunan animal maypichus kashan chayman saltaspa hap’inanpaq, chaytan ruwanku sunkhan imatapas ratulla reparasqanrayku. Sunkhanwanmi reparallantaq huk t’oqonta pasayta atinmanchus icha manachus chaytapas. Huk enciclopedia nin: “Michiq sunkhanmantaqa manaraqmi llapantaraqchu yachakun; ichaqa yachakunñan sichus michiq sunkhanta ruturunki chayqa, michiqa ayro-ayrotan purin”, nispa.

Cientificokunan fabricashanku robotkunata imayna michiq sunkhan sienten chay hinata sientenanpaq. Chay hinata fabricasqankun robotkunata yanapanqa imapas qayllanpi kaqta reparanankupaq. Ali Javey investigador runaq nisqanman hinaqa michiq sunkhan hina sienteq huch’uy cablechakunata fabricasqankuqa ancha allinsi kanqa robotkunapaq, maquinakunapaq, runakunapaqpas.

¿Ima ninkin chaymanta? ¿Kikillanmantachu michiq sunkhan paqarimurqan, icha kamasqachu karqan?