FAMILIACUNATA AYUDANGAPAJ | CAZARASHCA CAUSAI
Pacienciata ricuchingapaca ¿imatata rurana canchi?
“Cazadocunaca cusa cashpa o huarmi cashpapash na fácil cajpipash cada punllami pacienciata ricuchina tucun. Soltero cashpaca pacienciata charinaca na importante ricurinllu. Shinapash, cusahuarmi ali causangapaca pacienciata charinaca minishtirishcapachami can” (John).
¿Imamandata pacienciata charina can?
Cazado cashpaca cusapa o huarmipa pandarishcacunataca jaicatami ricui ushanchi.
“Cazamiento punllacuna yalishca jipaca, cusapa o huarmipa pandarishcacunata o nali costumbrecunata ricunaca facilmi can. Chaipimi pacienciata ricuchinaca shinllipacha ricurin” (Jessena).
Pacienciata na charishpaca aliguta nara pensarishpallatami imatapash ni ushanchi.
“Nara ali pensarishpallatami imashina sintirishcataca jaita nini. Pacienciata charishpaca aliguta pensarishpami ima pasajpipash upalla quidaiman” (Carmen).
Bibliapica “juyaita charijcunaca pacienciata charinmi, shujcunata llaquinmi” ninmi (1 Corintios 13:4). Cusahuarmicunaca ishcandillata juyarishpami pacienciata ricuchina can. Shinapash na siempre shina pasanllu. John shuti cusaca ninmi: “Pacienciata ricuchinaca na facilchu can. Chaimandami pacienciata charingapaca shinllita esforzarina canchi” nishpa.
Pacienciata ashtahuan charingapaca ¿imatata rurana can?
Na yashcapi imapash pasajpi.
Por ejemplo, quiquinba cusa o huarmi imatapash nishpa llaquichijpica, quiquinbashmi chashnallata rurangapaj munangui.
Texto bíblico: “Cambaj yuyaipica, ama ñapash fiñaringuichu. Shinlli shungu runacunapaj yuyaipimi, chashna fiñarinaca tiajun” (Eclesiastés 7:9).
¿Imatata rurai ushangui? Primeroca imatapash nara nishpallatami ñuca cusa o ñuca huarmica ñucata llaquichina munaihuanga na shina rurarcachu nishpa aliguta pensarina cangui. Luche por salvar su matrimonio nishca libroca ninmi: “Casi tucuicunami ima nishcata nara ali uyashpallata pandata pensashpa imatapash ninchilla. Ñucanchi cusa o huarmi imatapacha ningapaj munashcajpica na aliguta pensarinchichu” nishpa.
Shinapash, quiquinba cusa o huarmi llaquichina munaihuan shina nishca cajpipash, pacienciata charishpami chashnallataca na llaquichina cangui. Shinami problemaca na ashtahuan miranga. Bibliapica “yamda illajpica, ninapash huañunllami” ninmi (Proverbios 26:20).
“Quiquinba huarmita contratashna ricui callarijushpaca, quiquinba huarmita imamanda juyashcata aliguta pensarishpa, paita cushichingapaj chai rato imagutapash rurai” (Ethan).
Caipi pensaripai:
Quiquinba cusa o huarmi imatapash nishpa o rurashpa nali sintichijpica ¿imatata rurangui?
Cutin shinallata pasajpica ¿imashinata pacienciata charishcata ricuchi ushapangui?
Chai problemallata cutin cutin ricurijpi.
Por ejemplo, quiquinba huarmi o cusaca siempremi jipayan. Chaimi quiquinga culiramandapash ñana ushashca shuyana tucungui.
Texto bíblico: “Caishuj chaishujmi aguantarishpa y tucui shunguhuan perdonarishpa catina capanguichi” (Colosenses 3:13).
¿Imatata rurai ushangui? Quiquinbilla preocuparinapa randica, cusahuarmipura ali causanapimi ashtahuanga preocuparina cangui. Cashna tapuri: “Chai problemapilla yapata preocuparinaca ¿ñuca matrimoniota llaquichingacha?” nishpa. Ashtahuanbash na cunganachu capangui, Bibliapica ‘tucuicunami tauca viajeta pandari yachanchi’ ninmi (Santiago 3:2). Shinaca, quiquinbashmi imagupipash mejorashpa catina cangui.
“Huaquinbica ñuca cusahuan pacienciata charinapa randica, ñuca amigocunahuanra ninan pacienciata charini. Ñuca cusahuan ashtaca tiempota yalimandami paipa pandarishcacunatara ricuni yarin. Juyaita charishpami pacienciata ricuchi ushanchi. Pacienciata charishpaca respetashcatami ricuchinchi. Chaimandami pacienciata charinaca matrimoniopica minishtirishcapacha can” (Nia).
Caipi pensaripai:
Quiquinba cusa o huarmi pandarijpica ¿pacienciata ricuchinguichu?
Ashtahuan pacienciata charingapaca ¿imatata rurana cangui?