Bibliamanda tapuicuna
¿Taita Diosca tucui oraciongunatachu uyan?
Taita Diosca tucui gentecunapa oraciongunata uyangapami munan (Salmo 145:18, 19). Bibliaca ninmi, imagumanda pinarinajushpapash Taita Diostami mañana canguichi nishpa (Filipenses 4:6, 7). Shinapash, chai shimicunatallata nishpa mañajpica Taita Diosca na uyanachinllu. (Mateo 6:7, liipangui.)
Paita na cazunayachij gentecunapa oraciongunatapash Taita Diosca na uyanayachinllu (Proverbios 28:9). Ñaupa tiempocunapipash huañuchidor israelitacunapa oraciongunataca nimamanda na uyashachu nircami. Imashinami ricupanchi Taita Diosca na tucui oraciongunata uyanllu. (Isaías 1:15 liipangui.)
Taita Dios uyachunga ¿imashinata mañana capanchi?
Taita Diosca feta churashpa mañajpillami uyan (Santiago 1:5, 6). Ñucanchicunaca Bibliata estudiashpami Taita Dios ciertopacha tiashcata crishpa, ñucanchita ricuriajujta crishpa feta charina canchi. (Hebreos 11:1, 6, liipangui.)
Ashtahuangarin, Jesuspa ejemplota catishpami Taita Diostaca tucui shunguhuan, humildadhuan mañana canchi (Lucas 22:41, 42). Shinaca, Taita Diosta cashna ayudahuai nishpa mañajunapa randica Bibliata liishpami Taita Diospa mandashcacunata pactachina canchi. Shina mañashpami Taita Dios munashcashna mañanajushun. (1 Juan 5:14, liipangui.)