Testigo de Jehovacunaca videocunata, publicaciongunata celularpi tabletpica cunanbishnaca nunca na charishcanchichu. Shuj ladocunapica huauquipanicunaca Internettaca na charita ushanllu. Cutin shujcunaca Internet na chayanalla pushtucunapi causaimandami yapata lento can y huaquinbica tiaitallatami na tian.

 Shinapash ñucanchi huauquipanicunaca videocunata, publicaciongunataca Internetta na charishpapash descargaita ushashcami. Chaitaca ¿imashinata rurauita ushashca?

 Internetta na charij pushucunamanmi JW Box nishca aparatota congregaciongunamanga cachashca. Chai aparatotaca shuj empresapi randishcami can. Cutin Betelpimi Departamento de Computación nishcapi shuj programata rurashpami jw.org paginapa videocunata, publicaciongunata ricui ushachunmi rurarca. Cai aparatocunaca cada unomi 75 dólares valin.

 Tandanajui huasicunapica tabletpi, celularpi wifita prendishpami JW Box nishcaman conectarishpa publicaciongunata, videocunataca descargaita ushan. Ima celular, tablet cashpapash chai aparatopica conectarita ushanllami. Pero cogregaciongunapi Internetta na charishpaca ¿imashinata JW Box nishca aparatopica mushuj publicaciongunata, videocunataca charita ushan? Sucursalmandami mushuj videocuna, mushuj publicancionguna llushijpica, flash nishcapi congregaciongunamanga cachan. Flash nishcacunata JW Box nishcaman conectashpami mushuj publicaciongunata, videocunataca descargaita ushan. Chai flash nishcacunaca 4 dólarmi valin.

 JW Box nishcaca ¿imashinata huauquipanicunataca ayudashca? República del Congo llactapi causaj huauqui Adruandraca cashnami nin: “Ashtaca tiempotami Jehová Dioslla canbimi confiani, Lot runagupa huarmi ima tucushcata yaringuichi nishca videocunata decargangapaj munashpapash na usharcanichu. Chaimandami llaquilla sintirin carcani. Pero cunanga celularpi videocunta descargai ushaimandami ñucanchi huahuacunatapash aliguta yachachi ushashcanchi”.

 Nigeria llactapa congregaciongunapi JW Boxta churashpa ayudaj huauquica ninmi: “JW Box nishcata charimandami huauquipanicunaca Jehová Dios paicunaman shuj regaloguta carashcatashna ricun. Shinallata tucui videocunata, publicaciongunata descargaita ushashcamandami cushilla sintirin”.

 Cunanga África, Oceanía, Sudamérica llactacunamanmi 1 700 yali JW Box nishcacunataca cachaita ushashca. Shinallata, ashtaca congregaciongunamanbash cachangapajmi yuyanajushca. Chaita rurangapaca ¿maimandata culquica llujshishca? Obra mundialpa cushca contribuciongunata, shinallata jw.org paginapi yaicushpa cushca culquicunata utilizashpami chaitaca rurai ushashca. Pagui quiquinguna caranata yachashcamanda.