Bibliapi nishcashnaca último punllacunapica guerracuna, terremotocuna, unguicuna y shuj manllanai cosascunapashmi tianga nircami (Lucas 21:10, 11). Cai profeciacunaca año de servicio de 2022​tami pactarishpa catijushca. a Por ejemplo, Ucrania llactapi guerraca, ashtaca gentecunatami llaquichijushca. Mundo enteropi gentecunami COVID-19 unguimanda chaira ali tucunajurca. Cai llaquicuna tiashca jahuapashmi Haití llactapi terremoto tiarca shinallata Centroamérica, Filipinas, África llactapipash jatun acapana llaquichijurca. Testigo de Jehovacunaca ¿imashinata llaqui apashcacunataca ayudashca?

 2021 y 2022 huatapica ñucanchi organizacionga llaqui apashcacunatami ayudashca. Chai huatacunapica labores de socorroca casi 12 millón culquitami gashtarca. Ishcai pushtucunapi imashina llaqui apashca huauquipanicunata contribución culquihuan ayudashcata ricupashunchi.

 12 de agosto de 2021​pica, Haití llactapa shuj partepimi shuj terremoto de 7.2 tiarca. Quimsa testigocunami huañurca, ishcai panigucuna y shuj huauqui. Terremotomanda salvarishcacunaca shuj shuj llaquicunatami aguantana tucurca. Huauqui Stephane cashnami nin: “Ishcai quillata terremoto tiashcamandami ashtaca gentecunaca huañurca”. Huauqui Éliézerca cashnami nin: “Ashtaca testigocunami huasi illaj, ropa illaj, shuj minishtirishca cosascunapash illaj quidarca. Huaquin quillacunatami cutin terremoto tianga yashpa manllaihuan causanajurca”.

 Ñucanchi organizacionga llaqui apashca huauquicunataca ñapashmi ayudarca. Haitimanda sucursalca micunahuan, colchongunahuan, carpacunahuan, celularpa cargadorcunahuanmi ayudarca. Huata 2021​pi y 2022​pica 100 yali huasicunata alichishpa y rurashpami ayudarca. Labores de socorropica millón yali culquitami gashtashca.

 Ñucanchi huauquipanicunaca ninandami agradicin. Loretteca cashnami nin: “Terremotomandami ñucanchi huasita, negociotapash chingachircanchi. Micungapapash nimata na charircanchichu. Pero Jehovapa organizacionmi ñucanchi minishtirishcagucunata cushpa ayudarca”. Michelineca cashnami nin: “Terremotoca ñucanchi huahuacunahuan causajushca huasitami tucuchirca. Imata ruranata na atinashpapash Jehovata ayudahuai nishpami mañarcani. Chaimi Jehová Diosca paipa organizacionda utilizashpa ayudahuarca. Cunanga ali huasigutami charinchi. Jehovata agradicishcata ricuchingapajmi tucui usharishcaguta rurangapaj munani”.

 Autoridadcunaca labores de socorropi huauquigucuna imata rurajtami ricurca. L’Asile llactapa municipiomanda directorca cashnami nirca: “Ñapash ayudangapaj shamushcamanda, autoridadcunatapash respetashcamandami felicitapanchi. Cangunaca culquimandallaca na imatapash rurapanguichichu. Gentecunata juyaimanda, ayudangapaj munaimandami imatapash rurapashcanguichi. Chaita ricushpami cushilla sintirini”.

 24 de enero de 2022​pica, Ana nishca jatun acapanaca Mozambique, Malaui llactatami llaquichirca. Cai jatun acapanamandami ninanda tamiarca y shinllita huairarca. Chai jatun acapanamandami micha alambrecuna y chacacunapash dañarirca shinallata yacupashmi yapata jundarca.

 Cai jatun acapanaca Mozambique, Malaui llactapica 30​mil yali testigocunatami llaquichirca. Labores de socorropi ayudaj Charles huauquica cashnami nin: “Huauquipanicuna llaquilla cajta ricushpa paicunapa tucui charishcagucunata chingachishcata ricushpaca nimata na rurai tucushpami ninanda llaquirircani”. Chai llaqui jahuapash cai jatun acapanaca micunata, tarpushcacunatapashmi tucuchirca. Ashtaca huauquipanicunami huasi illa quidarca. Shuj huauquigu canoapi rijujpimi canoa tigrajpica paipa huarmigu y paipa ishcai hijacunapash huañurca.

 Jatun acapanaca manllanaimi carca. La 1 de la mañanatami familia Sengeredoca yacu manllanaita huacajujta uyarca. Ishcai jatun larcacunami tunirishcarca. Chaimi Sengeredo huauquica huasimanda llujshishpa rinata decidirca. Huasimanda llujshishpa rinaca ali decisionmi carca porque yacu jundaimandami paipa huasica urmarca. Paicunapa cosascunataca yacumi aparca. Cutin shuj cosascunaca dañarishpami quidarca. Cai familiaca Salón del Reinoman rinatami decidirca. Paicunapa huasimanda Salón del Reinomanga media horaspillami chayan carca. Pero cai llaquimandami jucushca, shaijushca Salón del Reinomanga ishcai horaspi chayarca.

 Malaui y Mozambique llactapa sucursalcunaca ñapashmi labores de socorrohuan ayudarca. Superintendente de circuitopi sirvij huauquicunaman y ancianocunamanga llaqui apashca huauquipanicunapa minishtirishcacunata ricushpa ayudachun nishpami huaquin instrucciongunata curca. Shinallata espiritualmente y emocionalmente ayudachunmi instrucciongunata curca. Huaquin Comité de socorrotaca labores de socorropi imacunatalla rurajushcata ricuchunmi mingarca. Cai comitepi sirvij huauquicunaca micunacunata y shuj minishtirishca cosascunatami huauquipanicunamanga cachashpa ayudarca. Huauquipanicunata ayudashpaca 33 mil yalimi gashtarishca. Shinallata huasicunata alichishpa, rurashpapash 300 mil yalimi gashtarirca.

 Micunapa y shuj cosascunapa preciocuna subijpica comité de socorropi sirvij huauquicunaca contribución culquigutaca aligutapacha yuyashpa utilizashca. Malaui llactapica sara harinaca yapatami vali callarirca. Shinallata gasolinapashmi ashtahuan valirca. Labores de socorromanda huauquicunaca culquita ahorrangapaj nishpami micunata, construccionba cosascunatapash ashtacata randirca. Ashtacata randimandami preciotapash bajarca y carropi apanapash na minishtirircachu.

 Ñucanchi huauquipanicunaca labores de socorropi imashna ayudata ricushpami ninanda agradicirca. Mozambique llactamanda Felisberto huauquica cashnami nin: “Shuj organizacionguna huasita rurangapaj materialcunata, micunata, juyaita, imata ruranata ricuchijtaca nunca na ricushcanichu. Cashna ayudacunata ricushpami Jesús Juan 13:34, 35​pi nishca shimicuna pactarijta ricupashcanchi”. Malaui llactapica panigu Esterpa huasimi tucurishca paica cashnami nin: “Shuj huasita rurangapaj culquita na charini yashpami llaquilla carcani. Huauquicuna shamushpaca huasigutami rurashpa carahuarca. Chaimi paraisopi ña cashcashna sintirircani”.

 Jehovapa punlla chayamujujpimi ashtahuan llaquicunata charinata ali yachanchi (Mateo 24:7,8). Shinaca ima llaquicunata charishpapash quiquingunapa contribuciongunahuanmi llaqui apashca huauquipanicunataca ayudaita ushapashun. Contribuciongunata imashina caranata ashtahuan yachangapaj munashpaca donate.dan124.com nishca paginaman yaicushpami ashtahuan ricuita ushapangui. Quiquingunapa contribuciongunamandaca ninandami agradicipanchi.