Lavadora ucupi uchilla hojagucuna
Zarina shuti huarmiguca, Rusia llactapi causajushpallatami bautizarishpa Testigo de Jehová tucurca. Chai jipaca Asia Central nishca paipa llactamanmi tigrarca. Zarinaca imashinapash paipa ishcai ushicunamanga Bibliamanda yachachishapacha yashcami carca. Paica culquita na yapalla charimandami, shujlla cuartota charij departamentopi paipa taitamamahuan causagrirca. Chaipica paipa turipashmi paipa huarmigundi causajurca. Zarinapa taitamamaca, canba ushicunaman Bibliamanda parlajuchunga na munanichu nishpami Zarinataca rimarca. Zarinapa huahuacunatapashmi religionmanda canba mamahuan parlachunga na munanichu nirca.
Chaimi Zarinaca imashata ñuca huahuacunapash Jehovata rijsichun ayudaita ushasha nishpa pensarin carca (Proverbios 1:8). Pero paica aliguta ricushpa imagutapash rurangapaj ayudahuai nishpami Taita Diostaca mañashpa rogarca. Shinami Zarinaca Taita Dios imata rurashcata paipa huahuacunaman yachachi ushangapaca, paipa huahuacunahuan puringapaj llujshi callarirca. Chashnami paipa huahuacunapash Taita Diosmanda ashtahuan yachajuna munaita charichun ayudarca.
¿Imatata Bibliaca yachachin? a nishca librohuan Bibliamanda paipa huahuacunaman ashtahuan yachachingapaca ¿imatata rurarca? Paica shuj uchilla hojagucunapimi chai libromanda parrafocunata y tapuicunatapash copian carca. Chai parrafocunata huahuacuna intindi ushachunga huaquin yuyaicunatapashmi chai hojagucunapi escribin carca. Chai hojagucunataca, shuj lapizgundimi bañopi tiashca lavadora ucupi pacashpa saquin carca. Shinami paipa huahuacunaca, bañoman yaicushpa chai hojagucunataca liishpa respuestacunata escribishpa saquin carca.
Zarinaca ¿Imatata Bibliaca yachachin? nishca libromanda ishcai capitulocunata paipa huahuacunaman yachachi usharca. Chai jipaca aparte huasigupimi paicunalla causagrirca. Ña chaipica, paipa huahuacunaman Bibliamanda yachachichunga Zarinataca pipash na jarcarcachu. Octubre de 2016pimi Zarinapa ishcandi ushicunaca bautizarirca. Paicunaca bibliamanda paicunaman yachachingapaj paipa mama ninanda esforzarishcamandami tucui shunguhuan agradicin.
a Tauca gentecunami Para Siempre Cushilla Causapashunchi nishca librota utilizan.
Cai temacunata ashtahuan liipai
VILLAJUN REVISTA
Taita Diosta juyangapaca ¿imatata huahuacunaca minishtin?
Quiquinba huahuacuna Taita Diosta juyachunga ¿imatata rurana capangui?
VILLAJUN REVISTA (TANDANAJUIPI YACHAJUNGAPAJ)
Na Testigo familiacunataca ¿imashinata Bibliamanda parlashpa shunguman chayaita ushapanchi?
Jesús paipa familiacunata imashina tratashcamandaca ¿imatata yachajupanchi? Shuj religionda charij familiacunaman o Taita Diospi na crij familiacunamanga ¿imashinata ñucanchi crishcacunamandaca parlaita ushapanchi?