LEKCIJA 60
Dureder barar tiro kamiben ko Jehovas
Keci but imar sikhľiľal pal o Jehovas. Olestar bariľa tiro kamiben ke leste. Vaš oda diňal le Jehovaske tiro dživipen a diňal tut te bolel. A te na, ta šaj rozmišľines, hoj ada kereha. Aľe ma bister! Aňi pal o boľipen oda nane savoro. Furt šaj barares tiro kamiben ko Jehovas. Sar?
1) Soske kampel, kaj te kamas le Jehovas furt buter a buter?
Kaj te kamas le Jehovas furt zoraleder, mušinas pre oda vareso te kerel. Soske? Kaj amen šoha ňigda lestar ňič te na odcirdel. (Hebrejom 2:1) So amenge andre oda pomožinela? So nekbuter te phirel andre služba. A te rodel, so mek buter šaj keras predal o Jehovas. (Pregen Filipanom 3:16) Nekfeder dživipen tut ela akor, te dživeha predal o Jehovas! (Žalm 84:10)
2) So mek šaj keres?
Tiro študijum kala kňižkaha akana končinel. Aľe dureder šaj sikaves, hoj džives sar kresťanos. Andre Biblija hin, hoj mušinas pre peste te urel lačhi nevi natura. (Efezanom 4:23, 24) Aľe so tuke pomožinela, kaj andral te aves furt feder? Dureder te študinel le Devleskero lav. Te phirel pre dojekh zhromažďeňe. Kavka furt sikhľoha pal o Jehovas a pal oda, savo lačho hino. Paľis the tu kameha te presikavel andro dživipen, hoj sal ajso sar o Jehovas. Te ov kada dikhela, kamela tut buter a buter.
3) Sar tuke o Jehovas pomožinela, kaj dureder te ačhes lačho kresťanos?
E Biblija phenel: „O Del... tumendar kerela avrisikade, kerela, kaj tumen terďon zorales pro pindre, dela tumen zor, ľikerela tumen, kaj te na peren.“ (1. Petra 5:10) Sakones cirdel o jilo ke varesoste, so hin nalačho a sostar šaj perel. Aľe o Jehovas džanel, sar tut olestar te cirdel avri. (Žalm 139:23, 24) Thovela tuke andro jilo, kaj te kames te kerel oda, so ov kamel. A dela tut pre oda the zor, kaj leske te ačhes pro furt verno. (Pregen Filipanom 2:13)
DODŽAN TUT BUTER
So šaj keres mek buter predal o Jehovas a so tut o Jehovas kamel vaš oda te del.
4) Šun tire Devles a dureder leha vaker
Vaš oda, hoj furt vakeres le Jehovaha a študines leskero lav, ačhiľal leha lačho. Sar oda šaj keres mek feder, kaj le Jehovas mek buter rado te dikhes?
Pregen Žalm 62:8 a paľis vakeren jekhetane:
-
Kameha buter le Jehovas, te leha furt a jilestar vakereha. So sa kames te phenel le Jehovaske?
Pregen Žalm 1:2 the dikh e hvjezďička a paľis vakeren jekhetane:
-
Kameha buter le Jehovas, te buter geneha e Biblija. So šaj keres, kaj mek feder te achaľos la Biblijake?
Dikh, sar tuke šaj študines mek feder. Mukh o VIDEJO a paľis vakeren jekhetane.
-
So pes tuke pačinelas andre kada videjo? So kames the tu avka te kerel?
-
So kames tu feder te achaľol andal e Biblija?
5) Ker buter predal o Jehovas
Te kereha buter predal o Jehovas, oda tuke pomožinela te ačhel feder kresťanos. Mukh o VIDEJO a paľis vakeren jekhetane.
-
So lačho zadžiďiľa e Kameron, te chudňa te kerel buter predal o Jehovas?
Na sako šaj džal te vakerel pal o Del andre aver phuv. Aľe savore šaj keras vareso buter. Pregen Príslovia 21:5 a paľis rozmišľin, ke soste tut cirdel tiro jilo buter te kerel...
-
andro zboros.
-
andre služba.
Sar tuke kala lava andal o Príslovia pomožinena, kaj te dochudes oda, so kames?
So buter šaj keres?
-
Vaker le Jehovaha buter the phundrav tiro jilo.
-
Pregen tuke caľi Biblija.
-
Kam te sprindžarel savoren andal o zboros.
-
Chude varekaha te študinel.
-
Te šaj, ta av čhoneskero vaj beršeskero prjekopňikos.
-
Sar phral, ker sa, kaj tutar te ačhel pomocno služobňikos.
6) Nekfeder dživipen akanastar pro furt!
Pregen Žalm 22:26 a paľis vakeren jekhetane:
-
So šaj keres, kaj tut te el nekfeder dživipen akanastar pro furt?
SO SIKHĽIĽAM
Dureder barar tiro kamiben ko Jehovas. A kam te kerel furt buter predal leste. Paľis zadživeha nekfeder dživipen akanastar pro furt!
So bi phenehas
-
Soske tuke šaj aves isto, hoj o Jehovas tuke pomožinela mi ačhes verno?
-
So šaj keres, kaj te kames le Jehovas buter a buter?
-
So šaj keres buter predal o Jehovas, kaj te aves furt feder kresťanos?
DIKH TUKE BUTER
Dikh tuke, hoj predal o Jehovas hin baro, te sam leske verna sako ďives.
The te vareko kerel but predal o Jehovas, šaj našavel o radišagos. Dikh tuke, so pomožinďa jekha pheňake.
Pregen tuke, so šaj keres buter predal o Jehovas a sar kada te dochudel.
„Dávaj si duchovné ciele, a tým oslavuj svojho Stvoriteľa“ (Strážna veža z 15. júla 2004)
Soske kampel, kaj te avas zorale andro paťaviben a so amenge andre oda pomožinel?
„Usilovne spejme k zrelosti – ‚Jehovov veľký deň je blízko‘“ (Strážna veža z 15. mája 2009)
Dikh the pre ada
SO O MANUŠA KAMEN TE DŽANEL
So oda hin te sikhľol la Biblijatar?
Te kavka sikhľona la Biblijatar le Jehovaskere svedkenca, šaj genen andal e Biblija, savi tumen kamen. Šaj vičinen la fajta, le kamaraten abo kas kamen.
