Со ка овел

Петок: Ка керел пе лафи башо несаве доказија со сикавена кај о шукар хабери башо Исус сој пишимо ко евангелија тано точно извештај башо лескоро живото. Дознајн сар акала извештаија шај те користинен авдиве аменге да.

Сабота: Со сине пророкујмо башо е Исусескоро бијанибе хем башо лескоро тикнипе, хем дали акала пророштвија чаче исполнинѓе пе?

Недела: Ко библиско говор е насловеа „Соске на дараја таро лошна хаберија“ дикх соске милиоња мануша авдиве ко свето иси лен причине те осетинен пе сигурна хем те надинен пе кај ка авел пошукар време, иако о условија ко свето овена са полошна.

Библиско драма

О Исус бијандило ки пхув преку јекх чудо. Акава сине јекх таро возбудлива настанија со уле џикоте ов сине тикно. Лескере родителија ингарѓе ле ко Египет те шај те спасинен ле таро јекх цари кова со мангља те мудар ле. Покасно, ов воодушевинѓа несавен таро најбаре учителија ко лескоро време. Башо акала хем јавера настанија ка керел пе лафи ки прво епизода која со ка сикавел пе ко дуј делија, петок хем сабота.

Дикх акала видеоклипија башо акале бершескоро конгрес

Со керела пе ко амаре конгресија?

Дознајн со керела пе ко конгрес е Јеховаскере сведоконгоро

Регионално конгрес е Јеховаскере сведоконгоро башо 2024: Вакер о шукар хабери!

Дикх кратко со ка овел ки програма ко акале бершескоро конгрес.

Трејлер баши драма: Исус — лескоро живото хем служба

Бут џене џанена кај о Исус бијандило чудоја. Ама, со случинѓа пе англедер хем пало акава настан?