LEKCIJA 60
Prodolžin duhovno te napredujne
Ko akava biblisko kursi but sikliljan bašo Jehova. Tlo mangipe sprema leste barilo doborom but, so verojatno dengjan lafi kaj ka služine leske celo životo hem krstingjan tut. Ako panda na kergjan adava, šaj razmislinea te kere adava bašo kratko vreme. Ama, ma bistre kaj tlo krstibe nane o krajo taro tlo duhovno napredok. Tlo amalipe e Jehovaja šaj te kere le pozoralo ki celi večnost. Sar šaj te kere adava?
1. Soske valjani ponadari te kere pozoralo tlo amalipe e Jehovaja?
Valjani te da sa amendar ponadari te kera pozoralo amaro amalipe e Jehovaja. Soske? Te šaj nikogaš te na cida amen lestar (Evreite 2:1). So šaj te pomožinel amenge ponadari da verno te služina e Jehovaske? Na primer, adava so ka prodolžina revno te propovedina hem adava so ka roda javera načinija te šaj poviše te služina amare Devleske. (Čitin Filipjanite 3:16.) Najviše so šaj te kerel amen bahtale ko životo, tano o služibe e Jehovaske (Psalm 84:10).
2. So valjani panda te prodolžine te kere?
Iako tlo biblisko kursi završinela akana, tlo životo sar hristijani ka prodolžinel. Soj tano vklučimo ko tlo životo sar hristijani? I Biblija vakerela kaj valjani „[te urava] i nevi ličnost“ (Efešanite 4:23, 24). Džikote prodolžinea te proučine e Devleskoro Lafi hem te dža ko sostanokija, tu ka sikljove neve bukja bašo Jehova hem leskere osobine. Trudin tut te dža sa poviše palo primer e Jehovaskoro ko tlo životo. Prodolžin te kere o potrebna promene te šaj te kere bahtalo e Jehova.
3. Sar o Jehova ka pomožinel tuke duhovno te napredujne?
I Biblija vakerela: „O Devel... ka obučinel tumen, ka kerel tumen zorale, ka pomožinel tumenge te ačhoven verna, hem ka kerel te tergjoven cvrsto“ (1. Petrovo 5:10). Sarine doživinaja iskušenija, ama o Jehova ka del amen sa soj potrebno te šaj te ačhova cvrsta (Psalm 139:23, 24). Ov vetinela amenge kaj ka del amen i želba hem i sila verno te služina leske. (Čitin Filipjanite 2:13.)
DOZNAJN POVIŠE
Dikh sar šaj te prodolžine duhovno te napredujne hem sar o Jehova ka del tut bereketi.
4. Prodolžin te kere lafi hem te šune tle najšukar amale
I molitva hem o proučibe i Biblija pomožingje tuke te ove e Jehovaskoro amal. Sar šaj akala bukja te pomožinen tuke te ove panda popaše lea?
Čitin Psalm 62:8, a palo adava keren lafi bašo akava pučibe:
-
Sar šaj te podobrine tle molitve hem agjaar te kere pozoralo tlo amalipe e Jehovaja?
Čitin Psalm 1:2, a palo adava keren lafi bašo akava pučibe:
-
So ka pomožinel tuke te ovel tut pobari korist taro tlo čitibe i Biblija hem agjaar te kere pozoralo tlo amalipe e Jehovaja?
So šaj te pomožinel tuke te ovel tut pobari korist taro tlo lično proučibe i Biblija? Te šaj te dikhe nesave predlogija dikh o VIDEOKLIPI, a palo adava keren lafi bašo akala pučiba:
-
Save predlogija taro videoklipi mangea te primenine?
-
Bašo kola teme mangea te proučine?
5. Čhiv tuke duhovna celija
O duhovna celija ka pomožinen tuke duhovno te napredujne. Dikh o VIDEOKLIPI, a palo adava keren lafi bašo akava pučibe:
-
Savi korist sine amare phenja adaleske so čhivgja peske duhovna celija?
Našti sarine te selina amen hem te propovedina ki jekh javer phuv. Sepak, sarine amen šaj te čhiva amenge celija so šaj te ispolnina len. Čitin Izreki 21:5, a palo adava kerena lafi bašo akala pučiba. Save celija šaj te čhive tuke...
-
ko sobranie?
-
ki služba?
Sar šaj o načelo taro akava stiho te pomožinel tuke te ispolnine tle celija?
Nesave celija so šaj te čhive tuke
-
Podobrin tle molitve.
-
Čitin celo Biblija.
-
Zapoznajn sarinen taro tlo sobranie.
-
Počmin te vodine nekasaja biblisko kursi.
-
Služin sar pomošno ili opšto pioneri.
-
Ako sian phral, trudin tut te ove sluga-pomošniko.
6. Ov bahtalo zasekogaš
Čitin Psalm 22:26, a palo adava keren lafi bašo akava pučibe:
-
So šaj te kere te šaj te ove bahtalo akana hem zasekogaš?
SO SIKLILEM
Prodolžin te kere pozoralo tlo amalipe e Jehovaja hem te čhive tuke duhovna celija. Tegani, ka ove bahtalo zasekogaš!
Sar ka odgovorine?
-
Soske šaj te ove sigurno kaj o Jehova ka pomožinel tuke te služine leske verno?
-
Sar šaj te kere pozoralo tlo amalipe e Jehovaja?
-
Sar šaj o duhovna celija te pomožinen tuke duhovno te napredujne?
ISTRAŽIN
Čak jekh verno sluga e Jehovaskoro šaj te našavel plo bahtalipe. Dikh sar šaj palem te ovel bahtalo.
Proučuvanjeto i razmisluvanjeto kje ja oživeat tvojata radost (5:25)
Sar šaj te čhive tuke duhovna celija hem te ispolnine len?
„Koristi gi duhovnite celi za da go veličaš tvojot Tvorec“ (Stražarska kula taro 15 juli 2004)
Soske tano važno jekh hristijani te ovel zrelo hem sar šaj te postigninel adava?
„Napreduvaj kon zrelost — ’blizu e golemiot den na Jehova‘“ (Stražarska kula taro 15 maj 2009)
Šaj isto ka interesinel tut
NAJČESTA PUČIBA
Sar izgledinela o biblisko kursi so nudinena e Jehovaskere svedokija?
Džikote ikerela pe o besplatno biblisko kursi, šaj te koristine bilo kova prevod tari Biblija. Ko kursi šaj te kanine nekas tari tli familija ili nesave amale.
