Petok, 24 fevruari 2023 berš, ka nakhel jekh berš sar počmingja i strašno vojna ki Ukraina. Sprema nesave izveštaija, dži akana sine mudarde ili ranime okolu 300.000 ukrainska hem ruska vojnikija, hem mislinela pe kaj okolu 30.000 civilija mule ki vojna. Ama, o broj taro žrtve šaj te ovel panda pobaro.

 Žalno tano so izgleda akaja vojna nane sigate te završinel.

•   „Nakhlja skoro jekh berš otkeda i rusko vojska khuvgja ki Ukraina hem panda ništo na sikavela kaj akaja vojna ka završinel sigate. Mislinela pe kaj ni jekh strana nane te pobedinel, a ni palem kaj ka arakhel pe rešenie bašo kova so solduj strane ka soglasinen pe“ (National Public Radio, 19 fevruari 2023).

 Normalno tano so but manuša osetinena pe tažna baši dukh hem o muke so anela akaja hem javera vojne e manušenge so nane kriva. Savi nadež dela i Biblija? Dali nekogaš ka avel krajo e vojnenge?

 Ki Biblija kerela pe lafi baši jekh vojna koja so nane te uništinel, nego ka spasinel e manušen. Akaja vojna tani poznato sar Armagedon hem tani opišimi sar „vojna so ka ovel ko baro dive e Semokjno Devleskoro“ (Otkrovenie 16:14, 16). Akale vojnaja, o Devel ka uništinel sa o manušikane vlade, kola so kerena te oven asavke strašna vojne. Te šaj te doznajne sar o Armagedon ka anel čačutno hem trajno mir, čitin akala statie:

•   “Što e Armagedon?“

•   “O Armagedon — bereketi e manušenge!”