„Keda pojavinena pe mange čuvstvija kaj na vredinava, o Jehova ohrabrinela man preku o gilja taro JW Broadcasting^®“ (Lorejn, SAD).

O hristijanja panda odamna giljavena „gilja obožavibaske“ te šaj te slavinen e Devle (Kol. 3:16). Ako sikljovea akala gilja ki godi, ola šaj te pomožinen tuke čak keda nane te ovel tut pesnarka ili elektronsko ured. Te šaj te sikljove len ki godi, primenin o sledna predlogija.

• Šukar čitin o teksti te šaj te haljove so značinela. Ako nešto šukar haljovea, polokho ka setine tut ko adava. O tekstija bašo sa amare gilja, kote soj vklučime hem o gilja bašo čhave, šaj te arakhe len ki jw.org. Dža ko delo Biblioteka, a palo adava ko delo Muzika.

• Prepišin o teksti ko listo. Akava šaj te pomožinel tuke panda pošukar te pamtine o teksti (5. Moj. 17:18).

• Vežbin ko glaso. Čitin ili giljav i gili poviše puti.

• Proverin kobor pamtingjan. Probin te setine tut ko lafija tari gili bizo te dikhe ko teksti, a palo adava proverin kobor pamtingjan.