O biblakro tchatchepen anell tuke bud an tiro tselo djipen. Kre dureder, ninna te wenn phare tsire ap tute. An sawe tsire nai well kowa sik an tiro shero, kai nai well tuke kowa feteder, te mukess tiro Biblakro Kurso. Hoi te kress palle? Hoske hi tuke kowa mishto, te kress dureder?

1. Hoske hi tiro Biblakro Kurso jaake bud moldo?

“O Debleskro lab hi djido un sorelo” (Hebrearja 4:12). I bibla sikrell menge, kai ham an o Debleskro dji, un hoi job an mende dikella. Doleske hi i bibla jaake bud moldo! Kowa, hoi li menge penella, krell men gosweder un tchiwell newi soor an maro dji. Un o barester hi: Joi sikrell menge, har te was i maal i Jehowestar. Tu te drawereh an o Debleskro lab, haiweh tu, kai krenn i laba an i bibla tiro djipen feteder.

2. Hoske hunte rikras mer men o moldepen an o biblakro tchatchepen glan i jaka?

O tchatchepen an i bibla hi har i kutch brawlepen. Doleske penell li, kai hunte well menge “o tchatchepen un o goswepen bud moldo” (Gosewe Laba 23:23). Tu te rikreh tut glan i jaka, hawo moldepen an i bibla hi, palle krell kowa an tute, te kress tiro Biblakro Kurso dureder — ninna te hi i phari situationa ap tute (Dik pal an Gosewe Laba 2:4, 5).

3. Hoi krell o Jehowah tuke, te nai kress tiro Biblakro Kurso dureder?

O Jehowah, kai halauter kerdas, un an koleste i tseli soor un o tselo sorlepen hi, hi tiro maal un hi tuke koi, te nai prindjress les feteder. Job nai krell kowa, kai kamah “kowa, hoi job kamella, un te nai [krah] kowa ninna” (Dik pal an Filiparja 2:13; Jesaja 40:29). Te well i tsiro, kai hi tut kek motivationa, nai dell job tut koi soor, te nai kress dureder. Un te well pharo koowa ap tute un te kamenn wawar gar, te kress tu tiro Biblakro Kurso, dell job tut ninna nai peskri soor. Doleske: Mange les pal kowa, te nai kress dureder (1. Tessalonikarja 5:17).

 RODAS DUREDER

4. O Biblakro Kurso hunte well tuke bud moldo

Denna tsire, kote hi jaake bud koowa ap mende, kai nai well menge an o shero: ‘Man hi kek tsiro, te rodap an i bibla.’ Hoi te kress palle? Dikenn pal an Gosewe Laba 21:5, un rakrenn khetne pral:

• Hoske hi tuke kowa mishto, te rakress “tiro djieha pral kowa, hoi kameh te krell”?

• Har nai well tuke tiro Biblakro Kurso budeder moldo?

1. Tu te tchiweh sanda an i tcharo, un kameh palle bare barra dren te tchiwell, djal kowa gar.

2. Tu te tchiweh i barra glanstunes an o tcharo, palle djal kowa, te nai tchiwess ninna bud sanda dre. Tu hunte djiness, “hoi kameh te krell”. Te reserviereh tsiro, te nai kress ko moldo koowa, palle nai tchiweh ninna ko wawar koowa an tiro tsiro dren

Mer te rodah an i bibla, hi menge kowa jaake har duchtiko chapen, pal hoi mer bokah. Te prindjrah o Debles un te mangah les an, wah mer tchalo. Dikenn pal an Mateo 4:4, un rakrenn khetne pral:

• Hoske te well o Debleskro koowa an maro djipen glanstunes?

 5. Ma muk tut tiro Biblakro Kurso krik te lell

6. O Jehowah hi tuke koi — Pats ap leste

 HOI KATE PENLO WAS

Denn tsire, kote hi kowa phares, te kress tiro Biblakro Kurso. Tu te mukeh les gar, nai well tiro djipen bachteles hake tsireske. Pats ap i Jehoweste, un tu haiweh leskro prossepen.

Hoi penals tu?

• Hoi krell o biblakro tchatchepen an tire jaka jaake bud moldo?

• Hoske hi tuke kowa mishto, te rakreh an tiro dji “pral kowa, hoi kameh te krell”?

• Hoske te mangess i Jehowes, te krell lo, te nai kress tu tiro Biblakro Kurso dureder?