Agies le marturia le Jehovaske si amen but dieli te bariaras amaro pakiamos ai shai estudis ai shai dikhas sa kakala dieli ande computadora, tablet vai celular. Numa ande but thema pe sa e lumia, but ande amare phral nashtin te pokinen o Internet ai ande aver riga o Internet shindiol, chi zhal mishto vai chi aresel kotse.

 Numa agies, but anda amare phral gata shai fuliaren amare publikasionuria te chiton ai estudin le makar o Internet chi aresel lende. Sar shai keren godo?

 Amari organizacion kindias iek dispositivo kai bushol JW Box, te tradel les amare phralenge kai train ande uni thema kai chi aresel mishto o Internet. Andre ando JW Box si iek programo kai kerde amare phral ando Betel, ai kotse si videuria ai publikasionuria katar amari rig po Internet jw.org. Kako dispositivo mol uni 75 dolaria.

 Te len o Wi-Fi katar JW Box amare phral zhan ka amare khangeria ai ningeren penge telefonuria, ai gadia shai fuliaren publikasionuria ai videuria. Fersavo telefono vai computadora nevo vai phurano, shai len kako Wi-Fi. Numa te avela ke ande iek rig chi aresel o Internet, sar shai keren te avel ando JW Box sa le publikasionuria, le videuria neve ai le prame kai trobul le phralen? Amari organizacion tradel lenge iek pendrive kai mol uni 4 dolaria, ai andre si les sa le prame neve kai si ando jw.org. Kako pendrive thol ando JW Box le dieli neve te shai fuliaren le publikasionuria.

 Sar azhutisardias JW Box ka amare phral? Nathan Adruandra kai beshel ando República Democrática del Congo phenel: “Pe but vriama kamlem te fuliarau le videuria ‘Oh, Jehová, en ti confío’ ai o video Acuérdense de la esposa de Lot, numa nashtisardem. Ai godo dukhalas man but. Akana shai fuliarau ande murho telefono le videuria ai kako azhutil amen te mai sikavas amare shavenge”.

 Iek phral kai azhutil le phralen ando Nigeria te usil JW Box phenel: “Le phral dikhen JW Box sar iek bari podarka le Jehovaski. Veselime le ke akana shai fuliaren sa le publikasionuria ai le videuria te shai sikaven le manushenge”.

 Gata tradiam mai but 1.700 JW Box ka amare phral ando África, Oceanía ai Sudamérica ai lasharas sa le dieli te mai tradas amare phralenge so trobun len. Katar las le love te shai keras kacha buki? Katar so das amendar, but anda amende keras godo ando donate.dan124.com. Naisis tumenge ke den ilesa.