Сытюв анда Библия
Саво авэла лэ Дэвлэско сындо?
Андэ кадэя статья исин атветоря пэ вопросоря, савэ, можэт, тутэ сас. Кадяжэ, андэ кадэя статья пистромэ, сар ту можэш тэ виарақэс кадэла атветоря андэ пэстири Библия. Лэ Иеговастирэ свидетеля авэна лошалэ вмести туса тэ подэн дума пала кадэла атветоря.
1. Со када лэ Дэвлэско сындо?
Правона ригатар пэ картинка дицол, сар и мануша представляют пэсти лэ Дэвлэско сындо: милиардоря душ тердёна англа лэ Дэвлэско престоло и о Дэл лэн сындоя па лэндири дила, сави вонэ терэнас. Посли када, дэсавэ жана андо раё по нэбо, ай авэр лэна тэ мучинпэ андо адо. Но андэ Библия ԥэнэнпэ, кай лэ Дэвлэско сындо — када дес, саво улэла и нэсправедливость (Псалом 96:13). О Дэл стодя лэ Иисус Христос Сындомареса, саво рия лэ манушэнди и справедливо жызня. (Адиносар Исаия 11:1—5; Деяния 17:31.)
2. Сар андэ лэ Дэвлэско сындо авэла справедливость?
Кала против Дэл жыля о пэрво мануш, о Адамо, через лэстэ всаворэ лэстирэ потомкоря, ашэлэ ӷрешни, линэ тэ страдают и тэ мэрэн (Римлянам 5:12). Кай тэ улэл кадэя нэсправедливость, о Иисусо рия каринг и жызня милиардоря манушэн. Андэ книӷа Откровение пистромэ, кай када авэла андэ лэ Иисусостири тысячелетнё правления. (Адиносар Откровение 20:4, 11, 12.)
Лэ манушэн, савэ ринапэ каринг и жызня, лэна тэ сындон най па бэзэха, савэ вонэ терэнас, ай па дила, сави вонэ лэна тэ терэн посли кода, сар уӷанэна, со пистромэ андэ «свиткоря», пала савэ пистромэ андэ Откровение, андэ 20 ӷлава (Римлянам 6:7). О апостоло Павло ԥэндя, кай машкар кодэла, ко рияпэ каринг и жызня и кастэ авэла возможность тэ уӷанэн пала Дэл, авэна и праведни, и нэправедни. (Адиносар Деяния 24:15.)
3. Со авэла стердо через лэ Дэвлэско сындо?
Лэ манушэндэ, савэ мулинэ, но кадя и на уӷанглэ пала Дэл Иегова и на ашэлэ лэстирэ служытелёнэнца, авэла возможность тэ парудён и тэ андярэн праведно жызня. Если вонэ залэна лэ Дэвлэстири риг, то вонэ жувэна вечно. Но дэсавэ анда кодэла, кас рина каринг и жызня, на закамэла тэ уӷанэн, со камэл о Дэл. Тоди кадэлэ манушэн о Дэл сындоя. (Адиносар Иоанна 5:28,29; Исаия 26:10; 65:20.)
Кала закончица о тысячелетнё лэ Дэвлэско сындо, о Иегова стерэла кадя, кай всаворэ мануша, савэ лэс кандэн, тэ ашэн совершэни. Кадя во стерэла кода, со загиндосардясас спэрва (1 Коринфянам 15:24—28). Кати представь, сави дэ райкани тоди авэла жызня важ всаворэ праведни мануша! Кала прожана и тысяча бэрш, авэла послиднё испытания, андэ сави о Дэл вимэкэла лэ Сатанас анда бездна. О Сатана упалэ стерэла вся, кай тэ одындярэл лэ манушэн лэ Иеговастар. Кодэла, ко ашэнапэ преданни лэ Дэвлэсти, лэна вечно тэ жувэн пэ ԥув. (Адиносар Исаия 25:8; Откровение 20:7—9.)
4. Саво авэр лэ Дэвлэско сындо анэна блаӷословении важ всаворэ мануша?
Андэ Библия и алава «лэ Дэвлэско сындо» кадяжэ сыкавэн пэ события, андэ сави на ашэла кадэя найлащи система. Кадэва дес авэла кадяжэ нэожыдано, сар андэ лэ Ноёстирэ деса о Потопо, андэ саво мулинэ всаворэ найлашэ мануша. Кала на ашэла лэ найлашэ манушэн, тоди авэна ек и мануша, савэ «жувэн па лэ Дэвлэско законо». (Адиносар 2 Петра 3:6, 7, 13.)
