О Иегова камэл, кай амэ предано тэ любисарас (Псалом 18:25). Када особено важно андо брако, важ кода кай если о хулай и хулаи най предани ек еқэсти, машкар лэндэ на авэла доверия. Ай када фартэ важно, кай и любовь тэ барёл.

Адес най всаворэ мануша цэнин и преданость андо брако. Кай тэ фэрин лэ ерес, тумэнди трэбуй тэ прилэн дуй советоря.

СО ԤЭНЭНПЭ АНДЭ БИБЛИЯ. «Полэн, со май важно всаворэстар» (Филиппийцам 1:10). Тумаро брако трэбуй тэ авэл фартэ важно андэ тумари жызня.

О Иегова камэл, кай о хулай и хулаи тэ уделяют время ек еқэсти и вмести тэ радуинпэ ла жызняти (Экклезиаст 9:9). О Дэл ԥэнэн, кай тумэ никала на трэбуй тэ гиндон кати пала пэстэ, ай наоборот тэ терэн вся, кай тэ радуин ек еқэс (1 Коринфянам 10:24). Сыкавэн, кай тумэ фартэ цэнин ек еқэс.

СОВЕТОРЯ

• Старыинпэ часто тэ проандярэн и время вмести и внимательно виашунэн ек еқэс

• Присытён тэ ԥэнэн «амэ», ай най «мэ»

СО ԤЭНЭНПЭ АНДЭ БИБЛИЯ. «Ко диқэл пэ жувли найлашэ яқэнца, во ужэ андэ пэско ди изменил пэстиря хулаяти» (Матфея 5:28). Если варико домэкэл билажавардо гиндо, вижал, кацаво мануш ужэ андо ди ашэля нэверно пэстирэ хуласти или хулаяти.

О Иегова ԥэнэн, кай тумэ трэбуй тэ фэрин пэско ди (Притчи 4:23; Иеремия 17:9). Кай тэ стерэн када, следин, пэр со тумэ диқэн (Матфея 5:29, 30). Сытён кай о Иово, саво доԥэнделя пэстирэ яқэнца и старыияспэ никала тэ на диқэл найлашэ яқэнца пэ авэр манушни (Иов 31:1). Терэн вся, кай никала тэ на диқэн билажавардимос. Фэринпэ, кай тумэндэ тэ на авэн нэумесни чуства каринг авэр мануш, саво тумэнди най хулай или хулаи.

СОВЕТОРЯ

• Мэк всаворэнди дицол, кай тумэ андэ вся предани ек еқэсти

• Сразу парашэн тэ общяетесь аврэ манушэса или манушняса, если ӷанэн, кай лэ хуласти или ла хулаяти авэла кадэлэстар нэприятно