Raporo y’Ishami ry’Umuryango w’Abibumbye ryita ku Buzima igaragaza ko kugeza ku itariki ya 23 Gicurasi 2022, abantu bagera kuri 6 270 000 bari bamaze guhitanwa n’icyorezo cya COVID-19. Icyakora, amakuru uwo muryango watangaje ku itariki ya 5 Gicurasi avuga ko umubare w’abantu icyo cyorezo kimaze guhitana ushobora kuba urenze uwo. Iryo shami ryavuze ko hagati y’umwaka wa 2020 na 2021, abantu bahitanywe n’icyorezo cya COVID-19 cyangwa bagapfa bazize ingaruka zacyo, bashobora kuba bagera kuri 14 900 000.” Ese hari icyo Bibiliya ivuga ku byago nk’ibyo bibabaje?

•    Yesu yari yarahanuye ko mu “minsi y’imperuka” hari kubaho “ibyorezo by’indwara.”—Luka 21:11, 2 Timoteyo 3:1.

 Ubwo buhanuzi bwa Yesu, busohora muri iki gihe. Niba wifuza kumenya byinshi, soma ingingo ifite umutwe uvuga ngo: “Ni ibihe bimenyetso byari kuranga “iminsi y’imperuka?”

•    “Imana nyir’ihumure ryose. . . iduhumuriza mu makuba yacu yose.”—2 Abakorinto 1:3, 4.

 Ubutumwa buri muri Bibiliya bushobora guhumuriza abapfushije ababo. Niba wifuza kumenya byinshi reba ingingo ifite umutwe uvuga ngo: “Icyagufasha kwihangana—Icyo wakora ubu” n’ivuga ngo: “Inama ziruta izindi zafasha abapfushije.”

•    “Ubwami bwawe nibuze. Ibyo ushaka bikorwe mu isi nk’uko bikorwa mu ijuru.”—Matayo 6:10.

 “Ubwami bw’Imana” butwizeza ko vuba aha ‘nta muturage uzavuga ati “ndarwaye.”’ (Mariko 1:14, 15; Yesaya 33:24) Kugira ngo usobanukirwe ubwo bwami bwo mu ijuru n’icyo buzakora reba videwo ifite umutwe uvuga ngo: “Ubwami bw’Imana ni iki?”

 Turagutera inkunga yo kwiga byinshi kuri Bibiliya, kugira ngo umenye uko inama zihuje n’ubwenge ndetse n’amasezerano ahebuje ayikubiyemo, byagufasha wowe n’umuryango wawe.