“Ntsiku zinakhala ine wakutsukwala, Yahova asandiwangisa ndingaimba nyimbo za mu JW Broadcasting^®.”—Lorraine, E.U.A.

Ndzidzi onsene Akristu asaimba “nyimbo zauzimu” toera kusimba Mulungu. (Akol. 3:16) Mungadziwa mwadidi nyimbo zenezi, munakwanisa kuziimba ngakhale mu ndzidzi wakuti nee muli na bukhu ya nyimbo, thabhuleti, komputadhori peno ntokodzi. Yeserani kucita pinthu ipi toera kukoya nyimbo zenezi m’manyerezero.

• Lerini mwadidi mafala a nyimbo toera kuibvesesa. Mungabvesesa mphangwa, imwe munazikumbuka mwakukhonda nentsa. Mafala a nyimbo zathu zonsene, kuphatanizambo nyimbo za mu JW Broadcasting^® na nyimbo za anapiana, asagumanika mu jw.org. Mu JW Library, pitani pakhundu yakuti Nyimbo.

• Lembani mafala a nyimbo zenezi patsamba. Kucita pyenepi kunakuphedzani kakamwe toera kuzikumbuka.—Dheu. 17:18.

• Yeserani kuimba mwakugaluza. Lerini mafala a nyimbo ineyi peno iimbeni mwakubwereza-bwereza.

• Onani khala musakumbuka. Yeserani kuimba mbamukhonda kuyang’ana mafala a nyimbo ineyi, buluka penepo onani khala mwaimba mwadidi.